[惡搞無極限] 就係咁，我同幾個豬朋上左大陸獵金: １８１　這是甚麼……

我地四個人係出面等，而家個心情，真係唔知點形容。

「阿賢，你拎左Ｄ金之後諗住點啊？」我倫問。

「我想買新出既ＰＳ４。」阿輝答。

「唔係問你啊。」阿俊好無奈咁話。

「我想買唱Ｋ神器。」阿輝又話。





「都話唔係問緊你啊。」阿俊同阿倫齊聲講。

我諗阿輝已經諗到傻左，而當阿妹佢手拎住一樽野……係……係一樽，行到我地面前放低後，就話：「爸爸留低左呢樽野。」

我地幾個望住樽野，呆晒……而阿輝就仲好天真咁問：「阿妹啊，咩你地興用樽收住Ｄ金架咩？」

阿妹笑住答：「唔用呢Ｄ樽收住有咩野收？」聽到阿妹咁答，我、阿俊同阿倫已經好無力咁坐左係度唔想講野，但阿輝仲好天真咁問：「但點解用Ｄ咁既野一齊放架？」

「咁既野？你話鹽？咁先有藥用功效嘛。」阿妹話。





「點解唔見Ｄ金閃閃下既？」阿輝仲係未接受到個現實。

「Ｄ柑有Ｄ係青色，有Ｄ係橙色，浸耐左就變黑色，邊會有金色既柑架？」阿妹笑住咁講。

係啊！無錯啊！係我地眼前所見既！係用一個玻璃樽住！用鹽醃製左好一段時間變到黑晒！化痰上咳既！


鹹！柑！桔！

講大家唔好鼓燥，唔好棄故，我好明白大家而家既心情，我又何尚唔係，千里迢迢黎搵金，而為搵到，但見到阿妹佢拎樽咁既野出黎果一下視覺感受不知幾咁震撼……





真係……

阿爸，你係未驚我大過左後成日咳，所以諗住留比我……多謝你既好意，你阿仔我日日都好健康，唔多需要……