[惡搞無極限] 就係咁，我同幾個豬朋上左大陸獵金: １７３　完！？

最後個醫生終於都同我做左麻醉，但其實我唔知咁做岩唔岩，做做下手術，其實可唔可以再做麻醉呢？

麻醉左後，只係令我無咩知覺，而醫生同護士既說話，我仲聽得好清楚，但唔知點解，我個眼皮愈黎愈重……直到……我聽到佢地話：「醫生，這個人失血太多了。」

……然後我聽到……

「快找一下適合的血。」

……點解，我眼前一黑既，係未你地熄左燈……





「剛才找過沒有。」

……好凍……搵人校細部冷氣好唔好……

「快點問問剛才送他來的那班人吧！」

……唔通……我咁就完左……

……我仲有好多野未做……





阿欣……阿妹……個三條死仔……

舅父……阿媽……仲有阿爸留比我既野……

仲有……個四本回鄉證……

仲有……個一袋飛機杯……

然後，一團白光將我吸左入去，個重吸力令到我成個人心離一離咁，但又好神奇咁好似飛既感覺。