[惡搞無極限] 就係咁，我同幾個豬朋上左大陸獵金: １４１　又出發

其實著草幫人帶貨既或然率應該好細，而家我仲幫帶兩次貨，就係細上加細，我諗我有機會返都香港既話，應該即刻返去買返張六合彩先得。

我慢慢行近眼前個貨ＶＡＮ，係我身後面既俊就不停既撩時興隆講野，但時興隆理佢都有味。

阿倫同阿輝就拎住果兩袋野，不停係度嘈話果兩袋飛機杯好重。

搬左Ｄ貨上車，坐司機位既時興隆就話：「一陣我開車時你地未咁多野講，唔好影響我揸車。」

呢個一定啦，我不嬲都好認同唔可以騷擾Ｄ司機揸車既。但另外果三個就唔知拿。





而家既情況係咁既，我同阿倫及阿輝住係後面，而阿俊就坐係時興隆旁邊，而時興隆就拎左部電話出黎，好似唔知整咁Ｄ咩咁。

阿俊見到佢咁，就扮晒紳士咁問：「靚女，有咩可以幫到你？」

「你收聲就當幫我手。」時興隆不留餘地咁講，然後就話：「個高德地圖去左邊呢？」

「咩話！？又高德地圖？」阿俊聽到後心知不妙，然後我地後面幾個笑到痴左咁。

阿倫就問：「時興隆姐，你個高德地圖用咩聲架？」





然後時興隆終於搵到隻ＡＰＰＳ，開左之後第一句係：「你好，歡迎使用高德地圖。」

係一把好正常既男人聲。

未玩啦，又志玲姐姐，你地唔厭我都厭啦，更何況你地比志玲姐姐休息下好唔好。

聽到係把男人聲後，阿俊佢好似如釋重負咁講：「出發啦。」