[惡搞無極限] 就係咁，我同幾個豬朋上左大陸獵金: １２９　軟林林的仆街

就係咁果三條友不停咁叫我拎起支野扑落去，而我又真係係腳邊搵到一條假撚……點解又係假撚……我拎起佢問：「你地講緊呢支？」

「係啊，用條假撚扑佢啦。」佢地三個異口同聲咁講。

但呢一刻，我腦入面浮現出一個問題，如果我拎住呢一條假撚，聽佢地話扑落去，咁佢地意思既扑，究竟係咩野意思？係有另一個深層次既意思？定係真係純粹既扑？呢個問題真係好值得研究……

就係我發緊呢個白日夢，諗緊呢個問題之際，時興隆身邊既手下，終於出手，佢地行左埋黎拉開左我果三個兄弟。

而我，就嚇到張條假撚扔左落地下，後退幾步，但點知比一個剛剛走上前既時興隆手下一撞，向前仆。





係命運既情況下，呢一仆唔係咁簡單。

大家仲記得我剛剛扔左條假撚落地嘛，陰差陽錯，呢一撞，我除左失左重心之外，仲踩左落條假撚到，咁大家可能未見過假撚係點，但都應該估到假撚唔會係正正方方，係一條接近圓柱體既棍。

咁又點呢……未就係令到我呢一仆更加仆囉。

其實仆街我真係唔怕，因為到我女朋友一齊果陣我都成日仆街，仆落地下，最多痛，但今次……

咦，點解個地下軟林林既，同埋點解我仆街唔係同地面成水平既……





我慢慢張返大隻眼，見到既係畫面係純白色，我再係呢個咁軟林林既表面上郁多兩郁，然後聽到時興隆話：「舒服嗎？」

仆街！我仆撚左落時興隆對波上面！我當堂企返直個人！

佢一巴星左過黎，呢一巴簡直快如閃電，然後我就眼前一黑……