[惡搞無極限] 就係咁，我同幾個豬朋上左大陸獵金: １１６　就快到

之後成程車，我直係佢地笑住我之下渡過，我嬲嬲地叫左阿倫拎部電話比我，轉返高德地圖用暗黑版志玲姐姐把聲，轉移返個笑點。

「……阿賢，你好絕……」阿俊反住白眼咁講。

話咁快我地架車就去到一個市度，轉灣位開始多，志玲姐姐把聲就愈密。而阿輝就係呢個時間拎左部電話睇個四本回鄉證既ＳＴＡＴＵＳ。

已到ＸＸＸ市集散中心。

「我地果四本回鄉證到左呢個市拿。」阿輝話。





「咁姐係同先比阿賢用條假撚炸左既果部車唔係運我地四本回鄉證果架啦。」阿倫話。

我怒啤係阿倫。

「咩啊，我講得唔岩咩。」阿倫回答我。

咁佢又講得岩既，姐係話我地而家果四本回鄉證都仲安全。

「但係……」阿輝講：「我地最好快Ｄ搵到果個時興隆，因為通常到左集散中心，就會好快轉做配送中。」





「配送中？」我問。

「姐係送貨……啊呀！！！！！」阿俊佢想答我但係又反左次白眼。

時興隆，估唔到當年阿爺叫我搵既人，會係呢個情況下同佢會面。