[惡搞無極限] 就係咁，我同幾個豬朋上左大陸獵金: １１１　無刀啊！好驚啊！

「快Ｄ搵下而家有咩野可以實行到啦。」阿俊講左呢一句後，阿輝就發左癲咁係個位不停咁搵野，阿倫亦都好似緊張上黎。

而我，就好無奈咁望住佢地係度講：「未玩啦你地……」

但佢地好似聽唔到我講咩咁。

「冷靜Ｄ好唔好？」我不斷咁講呢一句，我真係覺得好後悔點解頭先會講左句咁既說話。

「搵唔搵到有咩野岩用啊？」阿俊問。





「無刀啊！」阿輝好激動咁叫。

「你定Ｄ黎！唔駛驚！唔駛驚！你記唔記得你自己身份啊！你古惑仔黎架嘛！」阿俊都激動埋一份。

「好驚啊！」阿輝好激動咁叫。

「唔駛驚！有大佬係度！我Ｄ　ＦＥＥＬ　返晒黎！」阿俊好激動咁叫。

「無刀啊！」阿輝好激動咁叫。





如是者佢地不停咁重覆住呢幾句「無刀啊！好驚啊！」，我愈睇愈火滾，一來坐係我旁邊既阿輝不停咁郁整到我，二來叫人冷靜果個阿俊可唔可以自己先冷靜下，三來……點解要不停重複張家輝＂走投有路＂套戲Ｄ對白……

忍無可忍，我隨手拎係條假撚，一野車左去阿輝到，「發咩撚野癲啊！」

全車靜晒，望住我，再望一望條假撚。

「阿賢你係得既，用假撚扮打劫工具呢個ＩＤＥＡ，ＷＯＲＫ　ＷＯ。」阿俊話。

咩撚野啊你地，用條假撚點劫到啊……最緊要係重頭到尾我都係講笑，點解你地可以咁認真。