[惡搞無極限] 就係咁，我同幾個豬朋上左大陸獵金: １０９　斷正即啪

阿俊佢不停咁檢查條假撚，擰下佢又盛咁，突然間，條假撚比佢一分為二，係垂直中間分開咁。

當條假撚一分為二後，有一包野係條假撚到跌左出黎，阿俊執起左果句野，我係後座一睇，好似係一包藥丸。

「都話唔係咁簡單架啦。」坐係阿俊旁邊既阿倫話。

「咁睇黎我地最好小心Ｄ，大陸運呢Ｄ野，一拉到，斷正即啪。」阿俊做用手比左個槍既手勢，然後指住自己個太陽穴，開左下槍咁講。

成架車個氣氛突然間沉重左好多。





阿俊將包藥丸放入條假撚，然後再還原怇，比返我後叫我放返入個袋度。

估唔到我第一次著草上大陸，竟然被迫運毒，而且我果兩位兄弟都比我拉埋落水。

我地之後全程車都好小講野，緊張到我地一見到其他車，就會好驚咁望實，怕係警車，但好彩一路上都安然無恙。

而唔知係阿俊見好耐都無野講定點，佢又講返批金Ｄ野。

「如果我地見到時興隆，應該點開始問佢批金Ｄ野好？」





我地其餘三個人邊有心情認真答佢呢個問題，所以我好ＨＥＡ咁答左佢，「唔知啊。」

「咁等我諗一諗先。」阿俊回答我。

而就當我地真係以為一切安然無恙之際，有一架車係我地身後出現……