[惡搞無極限] 就係咁，我同幾個豬朋上左大陸獵金: １０６　集散中心，已發出

路程咁遠我地都盡趕，其實計落路程，我一定夠時間去到果目的地，但我地預計搵接頭人都要Ｄ時間，所以我地都唔敢怠晚。 

一路上，我地就係咁聽住志玲姐姐把聲……除左阿俊係度聽歌，我地都係度吹水。

原來已經好耐，我地三個兄弟都無好好坐低咁吹下水，講下近況。

可能呢Ｄ就係人愈大，生活愈忙，所以見面既時間少之又少啦。 

呢程車我都講返好多以前既白痴野，一齊追女仔，一齊打機，一齊做好多ＯＮ９野。 





長途車難免要有Ｄ中途站比人放低幾兩，係其中一個加油站，我地落左車休息。 

「阿俊哥，Ｄ歌ＯＫ嘛？」阿輝問。 

「完全係正啦。」佢答。 

而阿倫就拎左部電話，睇緊個高德地圖既ＳＥＴＴＩＮＧ，「原來可以ＳＥＴ　其他語音架……咦，而家我地用緊果個語音叫暗黑志玲姐姐版。」 

「咁不如ＳＥＴ返用其他聲啦，我成程車聽志玲姐姐係度咦耶咦耶咦都好撚煩。」我話。 





阿倫係部電話度篤左幾篤，「ＳＥＴ好左。」 

「不如比我睇睇而家件貨去度邊。」阿輝拎左部機，開左個淘寶睇。

而家我地個四本回鄉證既ＳＴＡＴＵＳ　係：ｘｘｘ集散中心，已發出。