[惡搞無極限] 就係咁，我同幾個豬朋上左大陸獵金: ９７　四本回鄉證

ＭＡＮ姐講完果句後，就吩咐左Ｄ人去搵一Ｄ野，仲叫左幾個人搜我地身。 

「ＭＡＮ姐，得呢兩個人身上有回鄉證咋。」 

「唔緊要，其他人搵緊。」 佢想拎我地既回鄉證做咩。 

「我最近有批貸，要運去另一個地方，但呢排我比人睇得好緊，唔係咁方便，如果你幫我運呢批貨，我就當咩事都無發生過。」ＭＡＮ姐係我地四個面前來回咁行，「你地四個可以選擇唔玩呢個遊戲既，不覺，後果就自負拿。」 

佢講完就拎起左把餐刀，插左落勞斯萊斯大脾上面。 





「妳個男人婆好停手拿！」阿俊爆粗話：「唔好以為妳今日打扮到成個女人我就唔打妳！」 

ＭＡＮ姐好得戚咁行到阿俊面前，打左佢一巴，然後話：「你而家比人捉住，就唔好咁多野講。」 

果幾個搵野既人都返左黎，「ＭＡＮ姐，搵到呢兩條友既回鄉證。」

 ＭＡＮ姐手上面而家拎住四本回鄉證，然後望住我地話：「而家唔論到你地選擇。」

我見情況都去到咁，就問：「如果我地幫妳，妳會唔會放埋勞斯萊斯。」