[惡搞無極限] 就係咁，我同幾個豬朋上左大陸獵金: ８３　安全變得不安全

我聽到把聲已經即刻衝左去阿俊住緊果間房度，而勞斯萊斯亦到左。 

「發生咩事？」我問勞斯萊斯，但佢一粒聲都無，只係望入房度。 

房門一早已經打開左，我望左入去，只係見到滿頭血既阿俊訓左係地上面，係度講：「仆街……舊傷都未好返，而家又再比人爆樽……」 

一個爛左既玻璃樽散落係阿俊週圍，而且有一張紙氣。 

我行近阿俊，執係紙條，上面寫住：今次只是一個警告。　ＭＡＮ姐上 





我慢慢扶起阿俊，而佢就望住勞斯萊斯問：「……又話係度會安全，而家我比人爆樽啊，仆街……」 

勞斯萊斯呆左咁望住我地，「我都唔知佢點解今次會咁主動做出呢Ｄ事。」 

「咁而家點啊！」阿俊好燥底咁講。 

「唔好講呢Ｄ住，快Ｄ止左血先講啦。」 

我地去左勞斯萊斯間房，幫阿俊包紮傷口。 





「仆你個街！我今年係未犯左太歲……」阿俊仍然好燥，而勞斯萊斯就全程靜晒咩都無講過。 

我亦無講咁多野，因為下一步發生咩事，我都無辦法猜測，而家，只可以見步行步。