[惡搞無極限] 就係咁，我同幾個豬朋上左大陸獵金: ７７　忍唔住

勞斯萊斯望住ＣＣＴＶ個畫面呆左，因為佢認得出畫面既女仔，係佢到呢度第一晚，又係同一條後巷，又係散落滿地既玻璃，而果位女仔係同一個人…… 

無錯，果位女仔係阿文。 

勞斯萊斯一臉難以置信，隨便地坐左係旁邊既枱邊，手無力地用搖控熄左Ｄ監示器，腦一片空白。

 —　—　— 

勞斯萊斯講到呢度，望一望好鎮定既我同埋阿俊，然後講：「好少何有人聽到呢到咁鎮定架ＷＯ，通常Ｄ人都好難以置信咁。」 





我同阿俊互相對視左一下後，笑左笑，爆樽姐，又唔係未見過，我條女仲喪啦，玩埋飛樽下下準下下中添啊。阿俊仲好似過來人咁摸一摸自己個頭…… 

「你地真係無人能及架姐。」勞斯萊斯一邊講一邊抽我地兩個水。 

係知道佢鐘意女人後，我地都無咁在意佢既行為。 

「咁發現在兇手係佢，之後點？」我同阿俊問。 

勞斯萊斯又嘆左口氣…… 





—　—　— 

個畫面對勞斯萊斯衝擊太大，到佢稍為清醒後，就係度諗，佢究竟應唔應該話比老闆聽，定係自己一個人去同阿文傾下，點解佢要咁樣做。 

但係，上天已經幫佢選擇左左。 

監控室道門慢慢地打開，一位少女行左入黎，企左係勞斯萊斯面前。 

勞斯萊斯望住面前既少女，更大既衝擊。 





「阿文……點解妳會？」勞斯萊斯係想問阿文點解佢會知道呢度有個監控室。

佢唔會知道，其實佢既一舉一動，阿文都好在意，所以阿文會成人跟蹤勞斯萊斯。 

阿文望住勞斯萊斯，眼淚慢慢咁流左落黎，「對唔住……我忍唔到……」 

勞斯萊斯用憐惜既話氣問阿文：「妳忍唔到Ｄ咩？」