[惡搞無極限] 就係咁，我同幾個豬朋上左大陸獵金: ６３　全部都係佬

聽完阿俊咁講，成餐飯都食得好唔安落，我一邊食，一邊四圍睇…… 

「阿俊啊……」 

「咩事啊？」 

「你覺唔覺好多男人望住我地啊？」人活係恐懼下，難免有少少思覺失調。 

阿俊聽完後好無奈咁少柒我，「你未生人唔生膽啦，呢度四圍都係人，唔係男就係女架啦。」佢講完之後都四圍望再望，「……不過呢度又好似男人比較多Ｄ既。 





我地兩個互望再一眼，「……都係埋單走人。」 

我地急急腳咁埋左單，出到餐廳後…… 

「阿俊，我唔知係我心理作用定點，我硬係覺得呢度全部都係仔？」 我望住而家我地兩個人身處既呢條街，點解可以全條街都係佬黎，全部都係雞就聽過姐，全部都係佬就真係……其實都幾得人驚…… 

「心理作用黎姐……」阿俊都受左我影響，開始緊張埋一份，「……你睇下果邊未有個女囉，不過比較男性化左Ｄ　姐。」 

我聽完阿俊咁講，即刻望左過去，「……好彩有女，咁都無咁驚。」 





我地兩個走左去果個女人既附近，情況就好似玩緊一個遊戲叫「埋周」一樣，以為走左過去就安全。 

「埋周！」我地兩個走左過去仲要大聲叫左呢兩個字出黎，而果個女人比我地嚇左一跳後，就屌９我地話：「你地兩個痴撚線架！」