[惡搞無極限] 就係咁，我同幾個豬朋上左大陸獵金: ６１　比人跟住

「靚女，Ｄ野食點賣啊？」我有時真係好佩服阿俊，好似發生咩大件事都可以好冷靜，談笑風生咁。 

但係…… 

「阿俊，我地今早趕住出黎，身上面帶既錢唔多，Ｄ錢唔好用得咁快好ＷＯ。」

我數一數，佢已經食左十幾擋小食。 

「拿，賢仔，人係會肚餓，餓左就會想食野，呢Ｄ係自然現象，你無理由要阻止我架ＷＯ。」 





「你講得岩，但係……」 

「好，再去另一間再食。」 

唔撚係掛，仲未飽，你咁食法，Ｄ錢咁樣去，點等到今晚啊。 

「賢仔，你都未咁就住啦，有得食好食，著草呢Ｄ日子，可以突然間一餐都無架。」 

我望住對住我講野既阿俊，只係覺得跟住佢，係會比佢食窮整到自己無錢買野食囉。 





就係我好無奈咁望住佢之際，佢突然望一望我身後，然後搭住左我膀頭，靜靜雞同我講：「頭先已經發現在我地身後有兩個人跟住，到已家仲跟緊……」 

我聽完阿俊咁講後，即刻想轉頭睇下阿俊講果兩個人，但係比阿俊喝住左：「未望啊，快Ｄ　扮晒魚蝦蟹先，睇定Ｄ　先再諗計甩身啦，都唔知果兩個人係唔係個大叔派黎。」