[惡搞無極限] 就係咁，我同幾個豬朋上左大陸獵金: ４６　算一算

拎返本回鄉證後，我望住我眼前果位老坑，「……得架拿？」

其實我問出左呢個問題後，我自己都覺得好尷尬，咁死蠢既問題都有既…… 

「得架拿哥仔，可以走得架拿。」個老坑笑笑口咁話：「下次再著草既話，記得搵返我ＷＯ。」 

睬過你，呢Ｄ仲會有下次。 

就當我正想走果陣，又比老坑叫住左，「喂喂喂，哥仔，唔記得左同你講，阿簡ＳＩＲ　交得叫你去呢個地址搵呢個人ＷＯ，佢話已經幫你打點好晒，你好好係果度等佢消息。」 





我拎過果張紙，舅父真係諗得週到。 

「唔該晒。」 走出左間屋，望一望眼下既環境，真係咩都無，得條小路。 

我深呼吸左一啖來自大陸既空氣，又真係好大陣煙塵味，空氣有少少差，伸左個懶腰，準備再行果陣，後面有個人突如其來踢左一腳過黎，整到我成個人仆左係地上面。 

「一返到大陸你就仆街，睇黎你今次呢一程一定困難重重。」 

我聽得出，呢把聲係個紅毛既，而且剛剛踢我果個人，應該都係佢。 





佢行到我身邊，踎落黎後講：「係時侯算一算我地之間既野。」 

屌，剛剛先到，算咩撚野啊。