[惡搞無極限] 就係咁，我同幾個豬朋上左大陸獵金: ３９　商務客位係咁架咩！？

開左船，迎面而黎既冷風夾住打上黎海水既浪花，好冰凍。 

我坐住紅毛隔離，膽操操咁問個紅毛：「你因咩事要著草？」 

紅毛一副狠樣望住我，無錯，就係果副問咁多做咩春既樣，然後話：「關你撚事！」 

好，收聲，我諗住見悶悶地諗過話題姐，早知留返啖氣暖肚好過。 

講真我第一次住大飛，快我就覺真係幾快，但係都幾浪上，上上落落咁，好似過山車咁款。 





我捉實旁邊Ｄ　繩，驚如果唔捉實，坐坐下會比架船拋左落海。 

眼前大飛既正前方，除左見到Ｄ燈光，全部都係黑晒，聽到既都係Ｄ海浪聲，引驚聲，同埋前面坐係「商務」，果兩個自言自語既人講野既聲。 

「果兩個人……」咦，今次竟然係個紅毛搵話題同我講野ＷＯ，「……真係多野講。」 

「佢地可能係痴痴地，剩係自言自語。」 

「你就痴，通常買得『商務』位既人都係咁。」 





「下？」紅毛既說話引起我好大既好奇心。 

「『商務』位係專門比Ｄ生意失敗既老闆坐架，個位既特色係比佢地呻下或者講下以前幾威咁。」 

「下？」紅毛先生，其實你知唔知自己講緊咩架。 

「你知架啦，一個男人見到陌生人，好多時都會無啦啦話當年，係因為想填補返自己心靈上面既空虛。」 

「下？」係我理解能力差定點，我聽落個『商務』客位Ｄ客，似要睇心理醫生多個要著草ＷＯ，「咁個位同『商務』一Ｄ關係都無ＷＯ。」





 「邊個話有關係架，你以為而家坐飛機啊，你著緊草咋。」 

你呢句又好有道理ＷＯ。