[惡搞無極限] 就係咁，我同幾個豬朋上左大陸獵金: ３６　著草小姐

「歡迎乘坐老坑著草快線，我地會……」

姐係咁，而家著草都好多元化，空中小姐我見得多姐，著草小姐我真係未見過。 

仲要……仲要……我擦一擦返鼻血先……

仲要咁索身材咁好，著埋三點式泳衣添，小姐，咁夜妳唔凍架咩，不如過黎哥哥呢度等哥哥呵呵。 

我地一行幾個著草既人，都無咩心機聽呢位著草小姐既野，因為完全地比佢果ＢＯＤＹ同個樣吸引住，咁仲駛帶飛機卡既，有呢位著草小姐就得啦。 





睇黎著草界再努力發展落去，日後一定著草既人多過坐飛機既人，著草界萬歲！！！ 

「好拿，睇夠就好返自己個位坐拿。」個老坑叫左個著草小姐返入去先，全場Ｄ人都鼓燥起黎。 

「唔駛急，一陣佢仲會出黎既，仲有表演睇添。」 大家聽到個老坑咁講個個都好期待，但我心諗，係架大飛上面，果位小姐可以點表演啊，打筋斗啊唔通。 

「唔好意思……」我又舉手問野。 

「呢位同學，問啦。」 





「我想知我係坐。」 

「哦，你坐『經濟』客位啊，你企住果度就係架拿。」

車，我仲期待我舅父會幫我預個頭等添。