[惡搞無極限] 就係咁，我同幾個豬朋上左大陸獵金: ３４　呢Ｄ仲唔係叫緣份

我行向閃緊燈個方向，見到一個著住人字拖，短褲既老坑，佢用唔鹹唔淡既廣東話同我講：「係咪簡ＳＩＲ介紹架？」 

「係啊係啊。」 

「跟住我行啦。」 

我跟住呢條老坑後面，行到去一個上船既位置，而其間佢問左我Ｄ問題：「有無帶回鄉證啊？」 

「有。」





「咁指南針呢？」 

「下！？要帶架咩？」 

「唔駛，問下姐。係拿阿哥仔啊，你帶咁少野上去，夠架拿。」 

我聽到個老坑呢一句，心諗咁都算少野，咁點先為之正常啊。

 而到左上船既位置後，我見原來著草既唔止我一個人。 





「咁多人既？」我問個老坑。 

「哦，近排係旺季嘛，所以一班船會送幾個人上去。」 

下，咩呢Ｄ都會有分淡旺季既咩？ 而當我思考緊呢條老坑講既野係堅定流，點分淡旺季果陣，發現一齊著草果班人，有一個個頭包到成個阿差咁，露出左成副狠樣咁望住我。

我望一望呢條友，唔撚係掛！呢條友未係果晚個紅毛！？