[惡搞無極限] 就係咁，我同幾個豬朋上左大陸獵金: ３１　整裝待發

「拿，你記得我放左Ｄ暈浪丸係左邊呢個位度啊。」 

「仲有呢度放左既野你記住用啊。」 

「呢樣野我放係呢度，你記得啊。」 

我望住幫我執緊野既阿媽，心中有一種好無奈既感覺……

「阿媽啊，我著草ＷＯ，妳執成咁大篋野比我，整到我好似去旅行咁ＷＯ。」 





「你識咩野啊你，到時侯當你要用到但又無你就知。」阿媽，妳講到妳對著草好有經驗咁ＷＯ。 

「阿媽不如等我自己執啦……」阿媽聽到後啤左我一下，之後我都唔敢出聲由得佢。 

執到咁上下，門鐘響，我走到門口開門，係舅父。 

「點啊，Ｄ野執成點……啊……」舅父見到我阿媽執左成大篋野，都呆撚左。 

「賢仔啊，你有講比阿姐聽，你係去著草架呵？」





 「有啊……」 

「我諗你一陣私人執一袋啦，去到我地再執一執邊Ｄ要帶去。」

咦，舅父好主意ＷＯ。