[惡搞無極限] 就係咁，我同幾個豬朋上左大陸獵金: ２９　著草要準備Ｄ咩

舅父第二日好快就打返黎話已經搵好晒門路著草，我聽到佢咁講之後，個心離左一離。 

係，著草上去等風聲無咁緊先落返黎，聽落去又真係幾可行，但話晒我人生第一次著草，點都會驚架大佬，但係驚得黎之餘，仲有一種好特別既心情。 

係咩呢……啊！就好似你第一次偷睇ＡＶ咁，你又好期待一陣個畫面，個女優幾時除衫呢，幾時開波呢，幾時咩咩咩……但係有怕比人撞破ＷＯ。 

而我而家個心情，就正正係咁樣，聽落係幾變態，但係我真心咁覺得。 

事關我第一次著草，我都唔知要準備Ｄ咩野，所以我開左個ＷＨＡＴＳＡＰＰ　ＧＲＯＵＰ　問問兩個兄弟意見。 





阿輝：真係要著草啊？

阿賢：無計啦，件事搞得好大鑊。

阿倫：咁你條女點算啊？

阿賢：佢就交比你地拿（笑）

阿倫，阿輝：第二條女就ＯＫ，你呢個極品真係仲勁過攞你命３０００





阿賢：講返正經先，著草要帶Ｄ咩野？

阿倫：春知啊，我都未著過草

阿輝：其實駛唔駛帶回鄉證

阿倫：要掛

阿賢：下！？要架咩！？





阿倫，阿輝：春知啊，我地都未著過草 

問佢地果個真係白痴，咦，我好似鬧緊自己，當我阿媽見到我成個諗樣之際，佢就話：「你想知著草要準備Ｄ咩，打比你舅父問未得囉，傻仔。」

係ＷＯ，點解我諗唔到既，事實證明當一個人陷入一個困境，諗野係無咁清楚。