[惡搞無極限] 就係咁，我同幾個豬朋上左大陸獵金: ２３　返屋企先

我無諗過我會有咁既一日，成為ＴＨＩＳＡＶ　入面其中既一個主角，但係，點解唔係因為愛情動作片而上ＴＨＩＳＡＶ，而係只係一條比人點左相既片。 

我將我所有既怒氣都發泄晒出黎，不停係咁跑，係咁跑，要跑去邊我唔知，我而家呢一刻只係個腦亂鬼晒。 

突然，我電話響起。 

我睇一睇電話個來電，係舅父。 

「喂，賢仔，我睇左條片，認到果個人係你。」舅父第一句就咁講。 





「舅父你都上左ＴＨＩＳＡＶ睇左條片拿。」 

舅父沉默左一陣，「我呢Ｄ中年男人，上ＴＨＩＳＡＶ　睇愛情動作片，係好正常既事。」 

頂你，我而家唔係想知你上ＴＨＩＳＡＶ　睇片既心態係點啊，「舅父啊，不如我地講返正經先啦。」 

「好……你而家係邊？」 

「係屋企附近……掛。」 





「你而家返屋企先，我放工之後上你度同你傾。」舅父講完之後就收左線。 

我都好聽我舅父話，返左屋企，我一開門，就見到阿媽佢坐左係個廳入面……

唔通，阿媽都知道左？阿媽都有上ＴＨＩＳＡＶ！？