[惡搞無極限] 就係咁，我同幾個豬朋上左大陸獵金: １４　我想食魚蛋

收埋在自己既我，隱約聽到出面傳黎阿欣既笑聲，呢種笑聲係帶住陰寒，聽到個人會起晒雞皮果種。 

我伸左個頭出去睇睇，見到出面除左阿欣，全部人都係訓晒係度，我唔知佢地係暈左唔出聲，定係驚一出聲就比阿欣佢爆樽所以收晒聲。 

跟住阿欣就四圍望，仲係度叫：「阿賢，你係邊啊？」 

我不禁倒抽一口涼氣，而身邊既人又射左Ｄ　眼色過黎。 

（你條女搵你啊，仲唔快Ｄ死出去。） 





（哥仔，你快撚Ｄ帶你條女走啦。） 

（你記得找左Ｄ爆樽數先好走啊你。） 

我好無奈咁行左出去，成個鵪春咁企係佢面前：「我係度。」 

「埋單走。」 

「係係係……」我即刻９衝左去個類似呢度老闆既物體前面，係銀包拎左Ｄ　錢出黎，我都唔知拎左幾多，只係知道個老闆拍左我幾下膀頭就推走左我。





 而阿欣就好好笑容咁望住訓晒起度既人，我就行返去佢身邊，「走得。」

 佢拖住左我，果下個感覺不知幾似比一個死神拖撚住咁樣，而行既途中，我見到個紅毛啤撚住我。 

（你唔好以為我就咁算。）

（唔關我事架大佬，有咩野你搵佢啦。） 

「阿賢，你睇緊咩啊？」阿欣問緊同紅毛眉目傳情緊既我。 





「無啊……妳食得飽唔飽啊？」我隨口問佢。 

「麻麻地啦，我想食魚蛋啊。」 

「好好好，我即刻去搵比妳。」

而呢個時候，原來個紅毛已經係我地既身後面用ＷＨＡＴＳＡＰＰ　吹緊雞。