[惡搞無極限] 就係咁，我同幾個豬朋上左大陸獵金: ６　女朋友

我拍過幾次拖，而家呢個女朋友，係我最想飛果一個。 

唔係因為佢係港女或者係豬西，而係我發現我呢位女朋友係有少少痴線。 

我講緊既唔係話佢做埋晒Ｄ　白痴野，而係佢做果Ｄ　野唔係平常人會做。 

就好似平常人去搭ＬＩＦＴ咁，你地都會好平常咁行入去架啦，而佢每次就好似奧運體操隊上身咁，下下都要打幾個筋斗彈入去，大佬啊，第一次睇就拍晒手掌話好姐，第二次見到就會覺得柒，第三次既話，唔只做果位本人，就連同陪同身邊既人都會柒埋一份囉。 

我唔係無同佢提過分手架，但次次提次次都會見血，絕對唔係佢鬧自殺，係佢不停咁襲擊我。 





去到最後我都怕左唔再提分手，只可以做Ｄ　衰野整到佢飛左我，但係每次佢都以為我同佢係玩緊遊戲。 

聽到呢度你地可能會問，咁點解當初會溝呢條女，

我果兩位兄弟都有問過。 

「其實你點解當初會追阿欣？」我個女朋友叫阿欣。 

「果陣因為佢Ｄ行為得意，一齊果陣又剌激嘛。」我答。 





「咁如你所願啦。」 

「但無諗過咁誇張嘛。」

而我呢位女朋友，係我上去大陸獵金既其中一條導火線。