「手天使的愛情」幫人洩慾，竟愛上盲女。: 68；半年後，終於同屋企人坦白我同永芹的交往。

幫人打飛機，幫自己打飛機，呃蝦奶未遂，約芹芹見面……


半年時間，睜一隻眼閉一隻眼，其實就過咗。而我終於鼓起勇氣同屋企人講，我同芹芹既事情。


冇辦法唔講，芹芹屋企人已經好多次要求見我屋企人。


趁住某次屋企食飯，我大膽拋出埋藏喺心底既說話。




我： 「爹地，媽咪，我女朋友……想同我結婚」

爹地： 「但我地連你女朋友都未見過。」

媽咪： 「阿仔，乜咁突然呀 」

我： 「早講同遲講都冇分別，你地一樣會反對咖啦」



爹地： 「點解咁講？」

我： 「我女朋友睇唔到野……」

爹地媽咪既表情忽然變得好詫異，好嚴肅，我留意到媽咪面容扭曲到唔似我媽咪。

爹地： 「盲？」

我： 「係。」




爹地深深歎了一口氣

爹地： 「平時你好多大道理咖，咁你講下，點解你會想同佢結婚？」

我：「因為我同佢好夾，我好鐘意佢，我想照顧佢。」

爹地：「林雅輝，家陣唔係打機呀，唔係玩玩下 點會識到個女仔係盲既，而你竟然可以咁坦然」


我：「識咗半年，我諗得好清楚，佢就係我要搵既女仔。」

媽咪：「你連自己都照顧唔掂，點照顧佢？佢仲要睇唔到野 」

我：「我唔識講，但我會用行動證明俾你地睇。」



爹地：「個女仔屋企人同意咗你地結婚？」

我：「係。」

爹地：「……」

媽咪：「就好似d滯銷產品，hard sell出去搵人埋單……賣家點會唔同意？」

我：「咁你又唔好講到人地好似甩難咁，人地都好錫佢個女。」.

媽咪：「咁我地就唔錫自己既仔？自己個仔同自己講將會同個盲既女仔結婚，之前乜野期待同幻想都破滅啦，我唔求你搵個好靚好省鏡又好生養既女仔，但起碼搵個正正常常既女仔呀 」


爹地：「繼續來往都ok，但結婚嘛，你知唔知唔係一件容易既事情 」



我：「咁我家陣咪同你地講定先。」


爹地：「林雅輝！」爹地長長地歎了一口氣，接住講：「你有錢咩？你養得起佢咩？」

我：「我家陣份工，挨緊2皮野，如果都唔夠，我可以再接parttime做。」

爹地：「屌，我係話你結婚呀，同你地買樓呢 」

我：「永芹屋企人話幫我俾，樓，我就住佢地個度」

爹地：「咁同入贅有咩分別？你以後喺佢地屋企點抬頭？」

我：「人地屋企人就唔會咁諗既！」



爹地：「今次真係屌拿星啦，我地辛辛苦苦湊大個仔，送俾人地做仔 」

媽咪：「呀仔，結婚真係要慎重，你識人半年咋，好多野了解，我唔想你到頭黎損手爛腳，兩個人相處並不是你愛我我愛你，好似把口講得咁簡單。」

我：「我知，我會學，我咁大個仔冇乜野成就，最大成就就係識到一個好夾既女仔，佢對我好好，我真係好鐘意佢。或者你地覺得佢睇唔到野會好論盡，但事實上佢並不論盡，係唔會成為我累贅咖」

爹地： 「不如咁講，我地約永芹屋企人食餐飯。」

我： 「如果你地一心係想勸退人地，咁不如永遠唔好食呢餐飯。」

爹地： 「屌！你唔好駁咀駁舌，句句頂到行啦。家陣約佢屋企人食飯，係傾下計啫。」

我： 「你都已經反對啦，仲傾乜鬼？你都未見過永芹，你梗係唔知佢幾善良幾純品啦。一味覺得人地睇唔到野就好似廢人咁」



爹地： 「叻喇，家陣唔係拍劇呀，約人講數咩！我地都係想了解下對方家庭背景啫，如果佢地仲窮過我地，你點照顧好永芹呀 」

媽咪： 「呀仔，你咪當爹地媽咪食古不化啦，家陣你講既野的確令我地唔易接受，但你始終係我地個仔，我地都係想知道未來親家係咩人，未來新抱係咩人啫」


咦，我爹地媽咪果然係有料，原本以為好似電視劇咁嘈咖啦，點知埋尾又會咁peace & love


我：「一世人兩仔爺，一世人兩仔乸，唔駛講咁多，有你有我啱唔啱先？難得阿仔今鋪咁認真，你地都唔好拆散我地，好多幸福要試過先知，永芹睇唔到野，唔代表 我地就唔可以幸福，好多人健全既都會第一年結婚第二年分居啦，幸福冇必然，難得我遇到一個好女仔，你地點都要支持我。」

爹地：「都唔知講乜好啦。」

媽咪：「真係……結到婚，唔好住佢地屋企啦，你地搬啦，媽咪打本俾你買樓，平平地起層樓，你舅父喺上水有個丁權，喺個度起層樓俾你地啦。」


爹地：「個度咁偏僻……索性就買套錦繡花園獨立屋，我地全家搬入去住啦 我五金店都執埋佢，提前退休都得啦。」

我：「睇個勢，我仲係你地親生仔啵。你地都仲係咁錫我」

媽咪：「爹地媽咪不嬲咁錫你咖啦，係wor，你拖友既相有冇？俾我睇睇啦 」


於是，我終於拎出同我永芹既合照，永芹個人照比爹地媽咪睇。

媽咪：「嗯，生得眉清目秀，笑容親切」

爹地： 「同你比就差少少既，不過佢都唔錯。」

媽咪： 「我老啦，皮膚巢曬，邊有人少女個份青春少艾啫 」

我：「得啦，你兩公婆打情罵俏，甜言蜜語，就留返喺兩人世界先講啦，喺個仔面前講呢d，真係，好骨痹」


我：「可唔可以唔話俾爺爺嫲嫲知？我同永芹既事。」

爹地：「梗係唔話俾佢地知啦……你又唔係唔知你呀爺糖尿病+高血壓……高危老人家。」

媽咪：「但佢地一直都恨抱塞（孫仔既BB叫塞），上次你亞爺先同傾過，要我做你既思想工作，等你早d結婚。」

我：「呢層你地放心，我已經諗定劇本咖啦，到時我搵個女仔扮我女朋友，同佢地食幾次飯，包搞掂啦。當佢地知道我有女朋友，個心會就定好多。唔會再催我。」

爹地：「……你d思想咁前衛，莫講老人家，我都消化唔黎……」

媽咪：「如果過多幾年，佢地催你地拉埋天窗點算？」

我：「你望下你地既仔我，我遲早拎金像獎最佳編劇獎。寫劇本係我拿手好戲，拍拖可以散，散完再搵，拖個十幾年，衰d講句，爺爺嫲嫲到時都放棄幻想咖啦。」

爹地：「最佳編劇獎？我驚你拎最佳原創歌曲獎咋。」

我：「咩黎？」

爹地：「哭泣聲絕無異議」

我：「劇本名我都諗定咖啦：為咗冧老人家，我搵咗出租絲打扮我女朋友。」

媽咪：「你兩仔爺真係傻仔黎