「手天使的愛情」幫人洩慾，竟愛上盲女。: 35；第二次同永芹約會。
上到的士都自信過人
甚至同司機傾起閑偈。梗係啦，出門前我用d香氣勁撲鼻既沐浴露沖涼，用護髮素加洗頭水洗頭髮，手洗咗幾次，漱口幾乎用曬成支李斯特林，仲要學人gel頭，著到市市正正咁，好難冇自信lor。
落車後我行去上次個度，即刻打俾芹芹，叫佢出黎。
同上次接永芹一樣。我希望我可以襯得起永芹既靚
我都要學扮靚 今晚點都要錫一啖啦，係咪先
我咁大個仔都未錫過女仔咖。Plan緊陣間既劇情，永芹同個外傭已經出緊黎，我即刻行埋去接佢。
我：「永芹
」永芹：「你黎啦？雅輝
」我：「係呀。」
永芹：「做唔唔叫我芹芹既？」
我：「永芹親切d
」和外傭道別後，永芹手仔即刻摸索到我手臂，攬住我手臂，而我梗係輕輕溫柔地扶住佢，一步一步陪佢行。
我：「你個外傭點嗌你？mother？daughter？
」永芹：「嗌我英文名。
」我：「King King？」
永芹：「咩King King呀
」我：「sorry，火星返黎唔識英文。Gun Gun？」
永芹：「Shanice。」
Shanice，靚名，讀音正，字典都唔使check一定係好野，高貴
一聽就知道係高級英文名。莫非係情人眼裡出西施，硬係覺得Shanice呢個名超凡脫俗。永芹：「咁你有冇英文名？」
我：「Vitas
」永芹：「嘩，咁識揀呀，好出名wor
」我：「維他C
」永芹：「哈哈，俄羅斯男高音
」入夜後既海濱公園都係靚絕大埔。可惜如此美景得我一個人觀賞，我見到身旁既永芹頭側側地挨埋我膊頭，笑冇停過，我只能透過聲音不停將眼前既景象話俾永芹知，我驚佢寂寞，驚佢悶，驚佢聽唔到我把聲感覺唔到我其實每一步都望住佢。
我：「如果我左眼可以借俾你一個月就好，你就可以趁個一個月記錄低你想要睇既野。 」
永芹：「咁你做我雙眼啦。多d帶我出黎散步。你用你既語言詮釋眼前既影相俾我聽。
」我：「如果每日都約你出黎，你會唔會厭倦咖
」永芹：「點會呀
邊度有你，邊度有樂趣。 」我：「不如我地試下拖手仔。
」永芹：「但我肚仔餓wor，好想試下你既羅宋湯同蘿蔔糕。 」
我：「拖咗先啦。 」
於是我就拖住永芹既手，慢慢教導佢行。
我：「係啦，你行一步，我跟住你行，唔會跌咖，你有我呀。」
永芹：「你要就住我呀，我驚整跌你。 」
健全既人點會明白，喺盲人既世界，拖手一齊行，都唔係一件容易既事情，但永芹好努力咁去嘗試，我好耐心去教導，我地仲要手拖手行咗一小段路。
我：「我都話你得咖啦。你對手好軟，我可唔可以唔鬆手。」
永芹：「你對手好大，但捉得我好舒服，好溫暖，唔鬆既話，咁我地有排都行唔返出去。」
我：「咁咪 One Night Stay in Waterfront Park,唔使驚
」見到前面有凳，於是拖住永芹去坐低，而我就開始拎出我特登準備既羅宋湯同蘿蔔糕。
我：「蘿蔔糕先，定羅宋湯先？」
永芹：「一啖蘿蔔糕，一啖羅宋湯。」
我：「係既，娘娘，小人即刻準備呀。」
望住壺羅宋湯同盒蘿蔔糕，我都流曬口水，而我拎去俾永芹聞下。
我：「香唔香先？」
永芹：「香呀。」
我：「啊！食野啦，咀仔打開啦喂。
」筷子夾住蘿蔔糕，湯匙盛住羅宋湯餵永芹食，唔知點解，明明係一件服侍人地既麻煩事情，但我個心都好甜永芹：「會唔會好麻煩到你？」
我：「唔會呀，好似餵寵物咁，幾好feel。」
永芹：「你當我寵物呀？
」我：「sorry呀，形容錯咗，寵物係自己爭住食，你唔同，你係我親手餵落你個口既
乖乖地，又黎啦，啊。」永芹：「一齊食啦。」
我：「你食完先，剩餘個d，我一秒就掃曬。
」永芹：「湯好好飲，蘿蔔糕好清甜。
」我：「我都話我係廣福道小廚神咖啦1
」永芹：「我飽啦，你食啦。
」我：「飽啦，我仲有野請你食呀。」
放低d蘿蔔糕同羅宋湯，我用我既咀唇貼近永芹既咀唇，輕輕錫咗一啖。
第一次錫女仔，女仔香軟既咀唇真係好好feel
搞到我都面紅耳熱，夜晚，我睇唔清永芹有冇面紅耳熱，但佢係甜笑ing。
我：「最尾個道殺手鐧好唔好味？
」永芹：「幾好呀，不過有一種吹風既感覺。」
我：「吹風？」
永芹：「你呼吸好急喘呀，氣流噴曬過黎。
」我：「冇經驗，係咁上下
」永芹：「你快d食野啦，雅輝。」
我：「食緊啦，永芹。
」驚永芹悶，我特登打開電話播歌，一打開，第一首隨機就係SHE既「五月天」「
黃金海岸的岸邊 我們肩並著肩
潔淨的藍天 清澈的水面 吻成一條海平線
看你溫柔的雙眼 彈著吉他的弦
歌詞是諾言 旋律是依戀 唱出一首五月天
五月的天 剛誕生的夏天
我們之間 才完成的愛戀
緊握的手裡面 有好多明天
五月的天 夢開始要鮮豔
前方蜿蜒 一長串的心願
我們一天一天 慢慢實現
大雨沖走了昨天 青春烏雲幾片
彩虹的旁邊 有星星幾點 迫不及待在眨眼
海風味道變香甜 沙灘鑲滿亮片
你哼著永遠 我和著不變,合唱一首五月天
五月的天 剛誕生的夏天
我們之間 才完成的愛戀
緊握的手裡面 有好多明天
五月的天 夢開始要鮮豔
前方蜿蜒 一長串的心願
我們一天一天 慢慢實現
海浪 拼命歡呼跳躍 一遍又一遍
鼓勵我們 看誰先吻誰的臉
為這五月之戀 再添一個逗點
再多的五月天 怕也不夠我們沉醉
海燕 身邊來回盤旋 扮演著領隊
彷彿聽見幸福在前面不遠
為這五月之戀 再添一點信念
往後的五月天 和你走到比永遠還遠
五月的天 剛誕生的夏天
我們之間 才完成的愛戀
緊握的手裡面 有好多明天
五月的天 夢開始要鮮豔
前方蜿蜒 一長串的心願
我們一天一天 慢慢實現
」.