「手天使的愛情」幫人洩慾，竟愛上盲女。: 26：殘疾人的痛苦。

「點解殘疾人係社會既累贅？點解殘疾人要受盡白眼？佢地只不過想追求自己想要既野，例如搭車去感受下香港既新景點啫！但旁人見到佢地出現，好多時候就會覺得佢地阻Q住曬，或者嫌棄佢地既外觀。」


呢個就係我同芹芹出街唯一既遺憾同傷心之處。雖然芹芹睇唔到人地點樣用異樣既眼神望佢，但我難免會看在眼裡，心up在心裡。而喺我灰灰地既時候，電話鈴聲響起，我一睇到係芹芹來電，咩煩惱都一掃而空。

我：「康樂園小公主？係咪打錯電話俾小矮人？ 」

芹芹：「做咩叫人公主既？」

我：「咦，你既王子喺個度wor，我幫你call佢入黎 。」



芹芹：「咁你唔係王子咩？」

我：「 多謝公主恩賜封號，以後我叫廣福道小王子 聽日落街買麵包同收銀講我係廣福道小王子 睇下可唔可以買個菠蘿包送一杯咖啡 」

芹芹：「喂呀，我想同你講，我今日好開心，我想彈琴俾你聽。」

我：「依家？但我想聽你把聲多d wor 」

芹芹：「認真呀，拿，你等等呀，記得豎起耳仔聽呀。 」



我：「ok 」

於是乎，我就聽曬芹芹彈奏既鋼琴聲，曲目之新，令我詫異 神乎其技 我仲以為芹芹食老本彈返以前學既世界名曲

芹芹：「知唔知咩歌呀？」

我：「酒杯敲你頭，阿媽話痛？因乜解究？」

芹芹：「唔係林敏驄呀！」



我：「琴日你阿媽，剝曬衫，激我的x慾望！」

芹芹：「0靚仔，你係咪玩野呀，認真d啦。」

我： 「i wanna nobody nobody but you，i wanna nobody but you 」

芹芹： 「Bingo！」

我： 「你好勁，Nobody都識彈。 」

芹芹： 「呵呵，OOKK啦，咁你打算送返咩歌俾我？」

我：「躲在黑暗的角落，讓我徹底的放鬆， 陪我看一場華麗的煙火。」



芹芹：「嗯，好。」

我：「躲在黑暗的角落，讓我徹底的放鬆， 陪我看一場華麗的煙火， 我的愛如此短暫自由， 除了你， 沒有人真正了解我……」

喺歌聲中say good night