「手天使的愛情」幫人洩慾，竟愛上盲女。: 20；幸福的家庭。

果然不出所料，一返到屋企，媽咪爹地已經喺廚房分工合作煮野。我好奇今晚食乜野，即刻跳入去廚房探望

我：「有冇人話過你地好恩愛？煮餐飯都要一齊喺廚房糖黐豆咁 」 見到爹地媽咪一個切野，一個炒野，好有默契。

爹地：「出返去啦，幾時輪到你煮返餐孝敬我地？」

我：「無限接近咖啦，我日日都睇型男大主廚，學緊野。」

爹地：「睇節目都學到煮野？你都係出返去啦咪阻住曬。 」




而當我入到房間，我竟然見到一部新既PS4，仲要已經幫我駁好電腦。


「啊！屋企有賊呀！入過我房間！」我大叫，驚喜過度，驚動我爹地媽咪即刻行出廚房。



「有個賊呀，偷咗我既心呀！前幾日就唔肯借錢俾我。但今日就冇啦啦買部PS4俾我。想開心死我咩 」爹地媽咪聽咗之後當然笑得好幸福。




其實我更加感動啦，我爹地媽咪前幾日連PS4係乜都唔知，但今日竟然買咗俾我同我set好曬，錫一個人，到底可以去到幾盡。 仲要煮定野等我呢個大少爺返黎。可惜呢度係香港，我冇可能好似外國人咁衝上去攬住爹地媽咪，瘋狂錫佢地，我承認我好傳統黃皮膚性格，愛父母都唔敢講出黎，更加唔敢做出黎。

咁食飯個陣，我見到清蒸石斑，滷水雞翼，薑蔥炒蜆，耗油菜心，羅宋湯，胃口梗係爆seed


我：「日日都咁豐富，冇咗你地，我點生存？」

媽咪：「所以你要快d娶老婆。



我：「有冇介紹 」

爹地：「堅唔堅？我有圖。」爹地即刻拎部手機出黎show佢老友既女俾我睇。

媽咪：「我都有好多，呀仔，試下啦。」

我：「咁佢識唔識買PS4呀 」

爹地媽咪：「識。」

我：「係wor，你地點解識買咖？ 」

爹地：「我地做五金咖嘛，呢d野難唔到我地。」我心諗五金同PS4有關聯咩 睇黎我爹地9up水平超越咗我。

我：「所以我幾時都話你地係叻仔叻女黎既。 」



爹地：「梗係呀。」

我：「你係五金教父，Five Gold Godfather。媽咪喺五金教母，Five Gold Godmother。 成條廣福道邊個唔識你地？你地係賣五金咖嘛。我有冇講錯先？」

爹地：「傻仔黎，五金唔係咁讀wor。」

媽咪：「五金鋪係Hardware store。」

我：「我老啦，個世界係屬於你地後生既 」

爹地：「運氣話黎就黎，六合彩買咗未？ 」

媽咪：「我地幾時先住到錦繡花園呀，我真係好鐘意錦繡花園咖。 」



我：「信我，俾我十年時間，我一定帶你地進駐錦繡花園。 不過都係要買六合彩先，8號 40號。」

爹地：「4號，12號。」

媽咪：「25號，26號。」

我：「順手報埋聽日跑馬，四重彩，一日俾個號碼1-14號。」

爹地：「4」

媽咪：「9 」

我：「咁呀，6同7要埋lol，4 9 6 7 死狗碌柒，掂呀，呢個組合真係無敵。 」

媽咪：「number變粗口 」



爹地：「贏到馬會有氣抖冇碇走。 」

我：「就第八場啦，4匹都冷門黎，贏咗就真係入錦繡花園啦 」

媽咪：「不如你娶咗老婆先啦。 」

我：「緣份既野話黎就黎咖啦」

爹地：「今日返工順唔順利呀？識唔識到朋友仔？ 」

我：「梗係有啦，我不知幾受歡迎，今日咋嘛，同事就話請我食飯，我當堂接受咗，嗌咗成個茶餐廳最貴既午餐 」

媽咪：「你同事一定俾你嚇死: 」



我：「梗係唔啦，食完我叫佢地走先，我留低洗碗呀。 」

爹地：「食飯啦，人氣王，石斑呀，食啦凍啦。」


共聚天倫之樂，盡在每日既晚餐