「手天使的愛情」幫人洩慾，竟愛上盲女。: 16；第一次為女客人服務。

諗到對方冇手掌，摸到對方冇手掌，睇到對方冇手掌，係三種唔同既感受，好難怪我第一次摸到對方冇手而驚訝，但對於淑芬黎講，我既驚訝，就係對佢最大既傷害。望住佢淚似梨花雨，搞到我想走去攬住佢，但又怕佢覺得我好似憐憫佢咁，所以都唯有幫佢抹下眼淚。

有d口痕友會話，車，係人都知你殘疾咖啦，扮乜野唔係殘疾啫？所以咪話健全人永遠忽略殘疾人既感受，甚至唔記得殘疾人其實都渴望有自尊，而唔係得到別人異樣既眼光。舉個例子，搭地鐵時不時會見到盲人同坐輪椅既人，你有冇留意到就算自己唔歧視佢地，隔離都總會有人歧視佢地，把口唔講出黎，但眼神都好惡毒，可能人地阻佢幾十秒，都會怒啤人地。呢種冇同理心既仆街隨處都有，可想而知就算殘疾人好正能量咁生活，但難免會受到社會另類既眼光看待佢地。而有d 殘疾人，其實根本唔想你憐憫佢，只係想你當佢係一個普通人咋。

有些殘疾人自尊心好強，強到唔想俾人知道佢有殘疾。好似我咁，右眼弱視，由於長期依賴左眼導致其實右眼有少少鬥雞，即係邪視。做手術矯正都冇用，因為好快都會變返鬥雞。甚至有朋友笑鳩我鬥雞，我都唔鐘意解釋，因為我兜口兜面講出黎我係弱視，好難堪，感覺好似俾人睇唔起。所以我都盡量去掩飾，望人個陣會盡量望人頸呀，望下東望下西，唔想同人眼望眼，好似俾人覺得我鬥雞

但我身為一個有殘疾既人，都冇諗過我言語上其實已經傷害緊淑芬。例如問佢食唔食lunch，例如追問佢點解一定要等阿ken……通常殘疾人好敏感，一d好細微既野已經可以刺痛佢地既心。

淑芬雖然冇咗手掌，但佢係唔願意同人地講佢自己點點點，於是著衫呀等等都會盡量去遮掩佢既手，等人唔會咁易發覺其實佢係冇手掌。佢呢種做法work唔work就見仁見智，但至少佢出街會多返少少自信，個心都好過d，我諗佢係希望人地當佢係普通人，多過同情佢遭遇。

佢冇手掌，同弱視一樣，都係唔希望同人地分享呢d缺陷。有人鐘意分享缺陷從而更加堅強做人係人地既事情，總有人好似我地咁，係唔希望人地覺得我地係殘疾人（上網講就唔同，你唔識我，我唔識你，我唔驚，家陣就算你歧視我單眼佬，我都唔會知）

「唔好喊啦，淑芬，其實我都係弱視，我右眼近乎睇唔到野，我都唔希望人地知，但冇辦法，既然人地知道咗，我都要堅強咁面對呀。

」

面對一個女仔喊成咁，我唯有自揭傷疤咁分享自己事跡，希望佢覺得我同佢其實坐埋同一條船，我係唔會歧視佢，因為我自己都唔希望人地歧視。

「如果我冇殘疾，我都入唔到殘聯會啦

」留意到淑芬冇之前喊得咁犀利，於是我慢慢示意佢坐低。

「我記得我6歲之前，我都唔知自己係弱視，屋企人都唔知咖。直到有一日我無意中用手遮住左眼，我發覺我眼前既景象好模糊，於是我先走去同屋企人講，點解我一隻眼睇到咁清楚一隻眼睇到咁模糊。原本以為係小學雞既問題，點知屋企人大為緊張即刻帶我睇醫生，先發覺我右眼係弱視，遺憾既係已經耽誤咗治療既時間，以後都唯有係咁。我既世界係一半清楚一半模糊，戴眼鏡既右眼都係睇唔清楚大大字幕同影相。」

「我係度安慰自己同屋企人，咁我仲有左眼呀嘛。至少，左眼好清楚呀。但係，大過之後，發覺自己係唔敢望人，因為我右眼成日會鬥雞，如果我同人eye contact，我右眼會望去右邊，好奇怪咖

右眼睇唔到野我冇太傷心，但我連基本自信都冇，因為鬥雞。我試過做斜視矯正手術，但係呢，一年時間唔到，佢自己又會變返鬥雞

。呢d就係依賴左眼既原因，右眼眼球總係冇辦法望我想要佢望住既地方，除非我遮住左眼，右眼先可以正常望住人，但係咁樣一黎，我世界都係唔清楚咖wor。」

「所以我性格咪變得好怕醜，唔咁望人，尤其係眼對眼，我望對一陣我就會望左望右望下，費事俾人識穿我鬥雞。呢d野困擾咗我十幾年，正常交際我都怕怕，好驚人地笑我鬥雞。同埋依賴左眼，左眼既視力都變得冇咁好

成日會覺得好攰。」

「我都好想知道，我右眼若是正常，我踢波係咪更加勁

」

同病相憐，我憐惜淑芬，淑芬都開始唔喊，望住我聽我講野。

「我真係冇心整到你，冇心咁咖，因為我都好清楚呢種感受，正如當人地知道我鬥雞咁。」

「俾次機會我啦，i make you happy呀