「手天使的愛情」幫人洩慾，竟愛上盲女。: 12:；破處與唔破處

幾個麻甩佬踢完波本來一齊返到大埔，點知佢地忽然傾起不如一齊去叫雞，仲不停撩我去叫雞。

Jim：「輝，今晚點都走唔甩啦，帶你去禁鐘仔 」 Jim突然用手大大力搭住我膊頭。

Jason：「輝，一世人兩兄弟，唔駛講野，我幫你埋單 」

Edwin：「係lol，人一世點都試下叫雞，如果唔係點做兄弟？ 」

我：「我係處wor，個隻雞封返幾多錢利是我？冇幾餅野我都唔制 」



Jason：「笑撚死人咩 處女都唔駛幾皮啦。」

我：「我矜貴d wor，22歲未破處。 」

Jim：「男仔既處唔值錢咖，邊有人會買 窿都未識插，貪你咩好？」

我：「我乾淨lol，無添加無污染，純。 」

話口未完，Edwin同Jason都夾住我，一齊拉我上去掛住「大波少婦」招牌既一樓一。



「今日無論如何你都要擺低隻處咖喇，我真係未見過唔食魚既貓。」光頭佬Edwin真係好邪惡，配合佢猙獰既表情，顯得特別攝人

俾人夾硬拖上去叫雞 我一d興奮都冇，不停掙扎都俾佢地三個推住上樓，仲要禁埋鐘仔，有個打扮艷麗著住睡衣解開幾粒紐扣既姐姐打開門。

姐姐：「嘩，靚仔，一次黎四件幫襯我呀？ 」

我：「誤會，一場誤會，唔好意思。」

Jim：「誤咩會呀，靚女陣間好好招呼我兄弟呀。 」



情急之下，我都唔知邊度黎既勇氣，衝口而出

我：「我有性病！」

此話一出，眾人嘩然，趁個三個蛋散鬆懈之際，我得以轉身走人，跑落樓


我心諗，你地就性病啦，我既處，梗係留俾我心愛既女仔，最好係結婚對象啦。

on99咁破處，咪好唔抵

其實我人生接過三次重要既破處劇本，但最後都俾我親手摧毀。記得第一次係中三，有個唔算樣衰既姣西撩我入廁所巢野，由於喺學校範圍，最後我都係驚到拒絕 咗；第二次係去一個好friend既同學既屋企，佢女朋友話想玩3P，我嚇到即刻拎書包走人。第三次係18歲個一次，諗住自己都搵唔到女朋友不如破處沖沖 喜喜，點知臨上青樓前突然打消念頭。自此，我寧願打飛機，都冇再諗過破處。隨住年齡既增長，越黎越覺得自己既處好值錢咁，更加唔捨得隨隨便便送出。呀 Jim佢地唔係第一次撩我叫雞，但絕對係第一次夾手夾腳推我上青樓


其實係最衝動既年齡都冇破處，22歲又點貿貿然破處呢？:




收拾心情，準備聽日返工喇。


或者個天都讚許我既單純，竟然俾我先後夢見阿芹同Tiffany，冇拖手冇kiss，一齊去行海邊散步