【苦甜】【言情】他愛上她: 傾心無望
龍哥倒真是接著說：「收到風，最近南岸有「走狗」，暫停果頭既所有交易。仲有，小心「影」，依加信得過既人只有我地四個！翔，你帶其他手足去附近睇下，唔需要折外生枝！」
永翔接到指令後鞠躬便關門離開，這下龍哥才對麗麗說：「麗，呢排「鳳城」和「影」有問題，你見到唔對路一定要謹慎處理⋯⋯係呢，d貨點樣？」
「都拆散左，仲剩返大約四成係大倉，其中有三成半已經有人要落左單，未開始入番新貨，最近風聲唔順唔敢入貨，不過呢個星期裏一定再入，係睇時間問題⋯⋯」
龍哥點點頭：「剩低啲錢呢？」
「幫你轉哂啦！唔使擔心，無人會搵到源頭！你去銀行檢查一下就知。」
此時龍哥才寬心大笑，輕摟著她：「你做野我有邊次信唔過？」
他傳過來的溫暖一瞬即逝，他放開手離開桌後位置走到窗邊，仿佛剛才的親暱從未有過，她輕掃他剛觸碰到的膊頭，然後走到門前：「龍哥，如果無其他事，我返夜店睇場先。」
他突然叫停她：「批新貨交比阿士處理得啦，你繼續睇好個場，留意下呢兩日的風聲。」
她雖然感到愕然，不過照樣聽從吩咐後離開房間到樓下收拾。
同樣，留下來的士詹也不解：「大哥，貨唔係一直都係小麗管，做咩無啦啦交比我搞？」
龍哥把桌上的酒罐一飲而盡：「她要管場，雖然收到多風不過唔一定準確，費事浪費批好野，無人想做蝕本生意嘛！你收風準d，幾時入貨就交比你，錢去問麗攞啦。」
「我明白啦！甘翔仔果份呢？」
「⋯⋯唔使比佢，我有其他比佢搞。」
「遵命！甘「鳳城」果邊我再搵搵料先，大哥，我走先！」
話畢，士詹奪門而出「砰里啪啦」衝下樓梯，麗麗忍不住出口破罵：「阿士，吵死人啦！成日叫你放輕腳步好無！？踩爛點算？維修費唔使錢啊？」
士詹嘻皮笑臉，一如往常把剛才的話當耳邊風：「小麗麗，成日發脾氣會容易變老啊～」
「信唔信我醃左你！」女人大忌啊！
他左閃右避麗麗的怒拳：「唉，開心d啦！太鑽牛角尖會對身體情緒唔好。」
「要你管！」她扔掉他到一旁坐在沙發休息。
阿士倒沒在意她的壞脾氣，擅自坐到她旁邊拍了拍她的頭：「傻小麗，明明你就比任何一個人早到，入黎一齊傾就得，何必要躲係樓下空房扮成遲到？」
偏偏被這個衰士詹知道，麗麗賭氣托起下巴頭側另一邊望向空氣。
阿士怎會不知她心裏想什麼？大大話話他們三個⋯⋯唔係，是「四人」認識了十幾年。
不是永翔，他認識永翔只有七年，而是大哥和大嫂、麗麗和自己。
麗麗現在的感受，他多少也理解。