【苦甜】【言情】他愛上她: 謠言
凱一聽到永翔的問話，興奮得撲向永翔緊抱著，嘺道:「楊少你知道啊? 太好啦！好彩我有同阿健講，真係明智的決定。」
永翔推開她問道: 「所以, 只係謠言?」
凱怡以夢話的口吻答道：「唔知啊~」
他改用嚴肅的語氣問道：「凱?」
她聽到他動氣後急忙認真起來，儘管如此也帶點玩笑答道：「對不起，真係謠言！係咪好失望啊？」
永翔向後靠著座椅質道：「做咩要搞到甘麻煩?」
凱怡有點生氣道：「因為......你知唔知已經過左兩星期? 超過14日無見過你啦! 」她用力拍永翔的頭一下，繼道：「打比你唔通, 短訊你唔覆, 問哂甘多間舖得阿麗果邊有你聲氣, 你至少都返黎露個面?」
永翔默不作聲待凱怡終於消氣，她突然露出擔憂的表情輕聲道：「上星期我先收到風話你死左, 嚇到我我都以為你永遠唔返黎啊......」
永翔自言自語道：「引蛇出洞啊……」
凱怡仿似回應他般道歉道：「…傳少少謠言姐, 我好快就執好個爛攤子, 加上靠呢個傳言我都賺左唔少，你就原諒我啦....」
永翔想弄清楚事件，於是多問一句道：「甘因為謠言而上門嘅人你點處理？」
凱怡瞪眼道：「點處理？開房之前已經被我灌醉啦，最後一定咩都唔記得，d保鏢唔係被我趕出去就係一齊醉啦！」
永翔確實整件事她能夠處理妥當後，從側包取出紙袋，這次他遞給凱怡五包，同樣吩咐道：「散開佢。」
凱怡忽然變得很慎重, 小心翼翼接下後站起來，腳步平穩走到櫃子裏的一個夾萬，同樣謹慎地打開它把紙袋輕輕放進去再上鎖。完成後她轉身再次嘻皮笑臉望著永翔，面頰通紅的從背後輕輕抱著他問道：「你今晚會不會留低啊？有幾個新嘅妹妹你都無見過，要試下？」