【苦甜】【言情】他愛上她: 找數啊
司機到達目的地後著淑玲下車，她「啪」一聲關上車門，拿著一張收據進入眼前那幢大廈，她按下熟悉的樓層讓緩緩的上升。「叮」一聲升降機門應聲打開，她踩著幼細長跟走到一個門口前，一下子按鐘幾次門鐘，過了一會兒，一個黑髮男仔頂著一頭雜亂的清爽頭髮開門，眼睛半開半閉，打著呵欠道：「啊……『小娜』你黎啦，我唔係叫你每次上黎之前比個電話我嘛？」
她瞇眼道：「你會聽電話已經係奇蹟。」
她不等男仔的同意強行衝入去屋裏，果然一如所料滿地外衣內衣，桌上一堆飯盒沒掉，窗戶的衣服不論濕還是乾都掛在一起。她除掉高跟鞋，手疾眼快幫他收抬好殘局，順手拿走男仔口裏叼著香煙，他正想打火抽煙，卻被淑玲一手搶走，於是他只好坐到電腦桌前更新資料，半刻鐘之後, 她走到男仔身旁遞出一隻手和那張收據, 他裝蒜不明拍了一下她的手, 淑玲生氣道: 「找數啊, 咪玩我啦。」
男仔還繼續裝蒜道: 「我唔係叫你月底一次過先找?」
她拍了一下他的頭道: 「咪同我搞呢套, 叫你依加比就依加比。」
他知道反抗無效, 於是從錢包裏抽出一張皺巴巴的銀幣, 哭訴道: 「嗚嗚, 我『女朋友』好惡啊......」
淑玲聽到立即反駁道: 「講笑! 甘多個裏面我一定係最體貼最溫柔! 」她轉入正題, 道: 「呢個星期有咩改啊?」
男仔立刻精神抖擻, 遞出一張白底黑字的紙給她, 道: 「因為有兩個客點名話要你, 所以我今晚甘急住搵你, 就係要比資料你, 果兩個人我check過無問題, 麻煩你比多D時間出黎搞呢兩個人, 佢地話想試外國所以揀左你, 錢照樣計, OK?」
她掃一眼資料後就隨手扔到一旁, 問道: 「甘, 我今日都要接客? 」
男仔收起她拋掉的資料道：「嗯, 你準備好我就call人接你。 」
淑玲走往向其中一間房開門，裏面有張化妝桌，桌上齊全各種化妝品，她自然坐到鏡前補妝，順口問道：「晉達哥，你今日帶左咩女仔返黎？」
男仔晉達聽到問題後走進房間，回道：「今次果個比錢加，質素都唔錯，不過我覺得都係無你甘好……係呢『小娜』，你今個月未找數啊……」他作勢往她的胸部抓，可是淑玲更快，她拿起一支補濕水對準他的臉噴，他被淑玲一噴眼睛條件反射閉上，錯開了「偷襲」的機會。
淑玲乘機拍走他的手，放下補濕水繼續補上粉底說道：「下星期先比你，呢個星期我好忙無時間。」
晉達明顯失望道：「又係呢句……每個月最後一次找數嘅人都係你……」