【苦甜】【言情】他愛上她: 保護費
永翔一見到浩菱劈頭就問：「浩，佢點解會係度？」
剛才視線受阻浩菱看不到永翔，誰知一轉彎就見到他與小思面對面，嚇一跳道：「楊哥？！你同小思點解……？」……會在一起？浩菱才後半句話吞回肚裏唔敢問，只好望永翔能解答，可惜他沒有理會浩菱，直視著回避兩人視線的思菱。
沉寂一會後，永翔只說了一句：「換衫。」
「我……唔要！你憑咩叫我甘做？你自己都唔返學好幾日……啊！你做咩？！」
永翔一手抱著她，好方便解開圍在她身上的圍裙，一條深藍色的校裙顯而易見，然後他再故意向她胸口位置佯裝一抓，小思嚇到下意識向後避開。
他面露嚴肅道：「換, 唔好怪我唔客氣。」
小思受驚快要哭起來：「楊哥你太過分！」她突然轉身跑回身後其中一幢大廈, 留下兩個人。
浩菱首先跟他打圓場: 「楊哥, 佢只係細路女, 你就唔好同佢計較。」
「甘我同你計, 小思點解會係度?」
「佢......佢本身遲左起身又整野慢, 女仔係甘啦, 本來係返學......」他停頓一會思考是否應該說出來, 但是最後歎氣道: 「唔知係咪因為偶然見到你, 佢無啦啦衝左入廚房我行我素, 我嘅伙計打比我先知佢去左餐廳, 我已經即刻跑出來搵佢......」浩菱慌忙解釋，望他能網開一面。
但是永翔不領情：「我話過, 唔好再比我見到佢係餐廳出現, 你係咪想反悔?」
浩菱立即面臉恐慌：「唔係唔係！楊哥, 只有今次係甘, 平時佢都唔會出現.....一定無下次啦! 今日就隻眼開隻眼閉, 求下你楊哥, 小思係我唯一的妹妹, 求求你......」浩菱甚至向他跪地求饒，求他繼續保護小思。
數年前因小思差點出意外而永翔剛好救了她，浩菱就認永翔做他大哥，小思遺傳良好基因，標準可人兒一個，令不少色狼經常接近她，於是把交保護費的錢請永翔全數用於保護小思, 為了不讓她再有危險。但是永翔有個奇怪條件，就是她不能在餐廳幫忙，不論樓面還是廚房也不能。