【苦甜】【言情】他愛上她: 露面
永翔任由麗麗坐在他身上道：「我太奈無黎，怕你地不安，所以咪過黎露下面，免得有麻煩怕你受罪。」
麗麗聽到後開朗道：「不枉姐姐善待你！不過老實說多虧你肯黎, 『小紅』佢不停問我你幾時黎, 又話係學校見唔到你, 搞到佢呢幾日都神不守舍, 做咩都做唔好, 所以呢幾日我都唔比『大少』佢搞。」
永翔微帶歉意：「我聽日會去搵佢啦, 你唔使費心。大家......點樣? 仲好嗎?」
麗麗把他手上的飲料取走喝了一口：「有少少損失, 不過整體都仲過得去, 暫時無咩事要做, 我地可以抖下。」
他聽到後鬆一口氣撫摸她的頭：「辛苦哂你。」
麗麗輕靠著他：「唔會，我應份嘅。」兩人就這樣依靠了一會, 麗麗先行離去: 「我仲要忙, 你自便啦!」 她溜了溜眼珠兒: 「如果你開房, 必務通知我一聲啊。」
永翔今天真的只是露面, 所以聽到麗麗的話後輕笑帶過, 雖然曾有惡厭的電話, 不過暫時不理會都還可以, 之後再算吧......正當他這樣想時, 電話就響起, 他本來想掛線,卻是另一個人, 是一個很重要的人，他一接起:「大哥請講。」
電話另一頭傳來極低沈的聲音：「你身體如何？」
「已經治癒，請放心。」
「錢？」
「收到， 已散去。」
「你留意住電話。」對方「咔嚓」果斷地掛線。他搔搔頭，突然他想起麗麗的話, 於是他發了個簡訊給『小紅』: 「早上天台等。」然後放下飲料就靜悄悄離開夜店。
另一廂，麗麗離開房間後來到一樓，見到剛才那個新人已經被人搭訕，她仰望周圍見到「小紅」坐在一旁便走近旁邊，彎腰撩髮在她耳旁問道：「如何？」
「小紅」點頭回應：「新人沒問題，果種未適應的羞澀最適合d無腦的『公子』。」她回頭反問：「麗麗姐，頭先有人係你房？」
麗麗微笑道：「無啊。」
「係啊……麗麗姐, 我仲要陪『公子』幾奈? 悶死我啦！」
麗麗聽到她的抱怨便嚴肅勸告:「『小紅』，唔可以任性，呢d都係你嘅工作，更何況近排『大爺』都話你表現唔好，我唔倒扣你算仁慈啦，你要重新做過，好好接待客人！」
「知道，麗麗姐。」『小紅』聽後只好答應。麗麗很清楚知道最近表現下降的原因，就算嘴上說是有待培訓，麗麗喃喃自語：「快d返黎啊，你再繼續甘樣的話會返唔到轉頭……」