[幻想]《同女朋友...》系列: 《同女朋友...露營》二

巴士上層，後排的某兩個相連座位。

「好既，首先啲衫就塞滿晒書包係咪？」「嗯～」
「然後我話野食就去到先買係咪？」「YES～」
「營具又係我帶晒係咪？」「係呀～」
「咁我想問呢袋咁大袋野係咩黎...」

我拿著嵐帶來的白色大紙袋，除了傘和風扇外，大部分位置都放了一支支莫名奇妙的東西，另外還有濕紙巾、紙巾、沒看過的新奇紙巾等等。

「咩呀，全部都有用架，唔信你問我啦」




「呢支咩黎...」
「洗頭水囉」
「我咪話左個邊冇得沖涼囉」
「咁都有水架嘛」
「ok...咁呢支又咩黎...」「淋浴露～」
「咁呢支呢...」「防曬～」
「...」

最後，總算是搞清楚整袋物品了，大概六成？七成吧，都是沒有用的。
但這麼多東西想必收捨了很久，想到嵐會像小學生般期待這次露營，然後手忙腳亂地收拾著要帶的物品，對於這樣的嵐還是感到很可愛。





「弱智，帶埋一堆冇用既野黎拎咩」口不對心是常識吧。
「咁我唔知呀嘛...我本身預左你有好多野呢袋我會自己拎...」嵐突然就低落起來。

因期待和緊張便把一堆儘管機會不大但也有可能會有用的東西帶上，而就只是這麼單蠢的理由就被我潑冷水了，換誰也不會開心吧。

「傻啦，要你自己拎就冇可能架啦，但要應承我一樣野」
「......係咪應承左你唔嬲我？」
「係」
「咁你講啦」




「咁應承我...」「要玩得開心啲」

我要的，其實只是你的笑容而已。
再說，我沒生氣啊，我怎捨得生你的氣呢？

「......」嗯...是我太突然了嗎？「我想訓陣」
「訓啦，車程都有啲長，借個膊頭比你訓」

嵐挨在我的肩膀上。

「手...」
「嗯？」
「拖住...」
「咁多要求架你～」





其實只要有那麼的一個人，能牽著，陪伴著，已經是最大的幸運了。
但這樣的幸福並不能持續多久吧？我這樣想著。
那麼我所要做的，就是在這短暫的時光令嵐開心就可以了。

「喂...講樣野你知呀，我鍾意你」一句曾幾何時也說過的話。
我用一個只有自己能聽見的聲量，在嵐睡著的旁邊輕輕的說道。

待續......