那夜,我在老蘭狩獵了天使: 完結篇

都記唔起有幾多年無返過老蘭喇,今日難得得閒又路過附近,於是就去S吧睇下有無人。一入到去,見到一個TB打扮既bartender,而吧枱企左幾個人,係阿Sam狩獵派佢地。
「嘩!做咩咁早咁齊人呀?」
「Ken!捨得返來咩?」Sam第一個應我。
「我路過咋,陣間仲要接老婆仔女...」
「幸福得你!睇過!肥左喎!」
「無計啦!食得好訓得好!」
「Hi你丫!搞到我都想搵返條盲女做老婆,有無好介紹呀?」Eric好葡萄咁講。
「慳啲啦你,果時又話唔結婚自由自在,而家身痕呀?」Peter明串Eric。
「你威啦!又上電視又網路紅人喇!」Sam對我講。
「網咩紅人丫?得幾萬點擊!不過講真,開頭都無諗過條片咁多人睇,淨係想宣傳下個私房菜,估唔到而家仲搞埋教人煮野。」




「利害喇你!」Sam攞手機出來並上youtube,「咩男朋友炒蛋,女朋友早餐,仲要連求婚都擺埋上去喇...」
我不禁回憶果一日...
「係大廚,今日我地整咩呢?」
「今日係整cupcake既。」
「嗯...咁材料就有蛋,糖,麵粉...咁個dressing我就有啲特別既材料既...」
「咩特別材料呀?」
「唏!等啲蛋糕完成左你咪知囉!」
蛋糕完成,而我亦將特別材料擺左上去...
「嗱...好硬嫁,唔好吞左佢,哽死你嫁...」
「喂!咩野來嫁?喂!你...」




阿珊摸到蛋糕頂,佢已經知道係咩--係隻鑽石介子。而我亦將介子係蛋糕度攞出來,半跪係度將介子戴係佢手上...
「三年前,我每日都渾渾噩噩過日子,直至遇到你,我先搵到人生既目標同意義,係你改變左我既人生,係你令我每一日都過得充實有意義...你一直陪住我守護住,無論我開心,傷心,發疲氣...你都係我身邊,我希望你以後都可以陪我走落去,俾我做你對眼,帶你周圍去...」
佢既眼淚滴左落我手上,而我亦喊到幾乎出唔到聲...
「依隻介子係我用依度賺返來既錢買,除左證明我唔使靠屋企之外...亦見證我地兩個一齊努力既成果...區翠珊,你願唔願意嫁俾我?」
「好啊...我願意啊...」
我開心到抱起左佢,跟住抺乾佢既眼淚,係佢耳邊講:「以後你既眼淚只會開心果時先流,我以後唔會俾你傷心咁喊,好唔好呀?」
「好...」
「Ken!喂!」我回過神,聽到Eric嗌緊我,「諗咩呀?唔係仲諗緊洞房果晚呀?」
「你就成日諗果啲!」我反駁。
「我懷疑你搞大左佢先結婚,唔係邊可能結婚兩年有個兩歲既女丫?」




「唔俾我一射即中既?」
「其實你有無擔心過有報應嫁?你知喇,你都食過唔少女...我驚...」
「Hi你丫!啋你都傻,我夠鍾接我老婆喇!拜!」
離開S吧,我揸車去接阿珊同我個女海澄。
「點呀?海澄無事嘛?」
「無!醫生話佢只係有啲感親,仲有...」阿珊係我耳邊講:「我可能又有左...」
「啊...真架?我又做人爹地呀?海澄你做家姐喇,開唔開心呀?」
「喂!佢訓左你唔好整醒佢啦!同埋未證實架,要等報告出...」
「你估仔定女?女就叫海彤,好唔好呀?咁仔叫咩好呢?」
「你黐線咩?都話要等報告,咁早諗定名...」
「係喎!仲要買多張床喎!不如買間大啲既屋丫,喂...諗到個仔叫咩未呀?」
「真係啋你都晒氣,行喇!」佢撓住我手一直陪我行...
於是我推住BB車,佢撓住我手,一家人(後面仲有個工人)一路走,之後海澄同海文出世,一家五口咁就一齊走過我地既人生...