那夜,我在老蘭狩獵了天使: 第十一章

五年了,五年來我都無行入過依座大廈,雖然曾經係度返過幾日,但應該無人記得我掛...
「唔該,我約左韋生傾野...」我走去接待處同個接待姐姐講。
「係!請問邊個韋生?」
「韋伯諾先生...」可能兩位姐姐未聽過我大哥全名,佢地係咁你眼望我眼...
「請問先生點稱呼?」
「韋伯權,你話佢細佬搵佢得嫁喇...」我斬釘截鐵費時晒時間...
「係!韋生,請你坐低等一等...」
我隱約聽到佢地討論緊我,都難怪既,消失左五年,一出現就搵老闆,係人都八卦嫁喇。雖然我同我大哥係同父異母,但佢好照顧我,至少項目經理個位係佢提出來呃爹地俾錢我生活(唔係我神早訓街)。
係度略略講下屋企先,其實成個韋氏係由爹地打返來。聽媽咪講,係大哥七歲個時,大哥既媽咪因為血癌過身,而個時屋企都仲未係好有錢來醫病,所以爹地就怪自己無錢,咁之後就努力賺錢希望唔好再發生第二次,而媽咪亦係爹地間公司工作。當大哥十一二歲左右,媽咪升左做爹地既私人秘書,咁就開始對爹地有好感。媽咪話第一次見大哥個時,大哥就同佢講:「姐姐,你可唔可以嫁俾爸爸呀?佢掛住做野唔識照顧自己...」媽咪話個時佢自己啞左唔識反應,之後爹地就解釋返同話自己唔會再娶。跟住兩年後,因為有左我,佢地先結婚...
「韋生,請過來依邊,大韋生等緊你...」我認得佢係大哥既助手Alfred。




頭先講到邊呢?啊!係...我曾經八卦問媽咪:
「如果無我你地咪唔會結婚囉?咁你會點呀?」
「應該結唔到婚掛,可能我會係你爹地身邊默默暗戀佢掛...」佢好淡然咁答我。
「嘩!你地都好痴情啫,俾我真係唔會嘞!」
「你人細鬼大呀你!」係!我問佢個時大約十歲左右...
「其實第一個讚成我地結婚既...係你大哥呀!」
「叮!」我已經到左大哥房出面,一打開門,已經見到無敵海景,而前面放左張辦公枱,係電腦打緊字既就係我大哥。
「Alfred你出返去先!」佢起身並走過來我依邊,「咦?你好似肥左喎,點呀?今次又有咩買呀?」
「其實我有份project俾你睇,依份project五年前已經完成,而我都修改左依五年既數據,希望你過目。」
佢接過文件慢慢細閱...




「project?好啊!等我慢慢研究,過兩三日先覆你。」
「好啊!」
「啊!過幾日中秋,你返屋企做節呵?你幾年都返屋企食飯,auntie佢都掛住你擔心你嫁,得閒探佢老人家喇!」
佢講既auntie就係我媽咪,一直都咁稱呼...
「過幾日呀?啊!我應承左人去佢屋企過節啊...一係第二日十六號丫?」
「咩人呀?女朋友呀?係唔係認真架?」
「係呀!係玩既就唔會見家長啦!」
「怕左你!就十六號,帶埋個女朋友來啊!」
「係!我會叫佢扮到靚一靚先見你地。唔阻你喇,拜拜!」
「拜拜!」




雖然比我預期中失望,但整體感覺都良好。然而幾日後我卻面對另一個考驗...