那夜,我在老蘭狩獵了天使: 第一章

今天一定係我既不吉祥日,係星期五夜晚我竟然找不到一個合意既自標。我自問不是眼角高既人,但今晚成個老蘭連瞄上一眼既都無,看來今晚要食自己。現在是凌晨四點,看見一街喪屍及撿屍隊,回想我自從跟初戀女友分手後,就進入老蘭獵食生涯,不知不覺已五年。五年來,都無正式拍過拖(最多都係同同一個連續搞兩晚),由撿屍隊到而家係場獵食,由週末消遣到漸漸上癮(而家可以話病態依賴),我都樂此不疲。
眼看今晚無果,只好走去睇波同啲鬼佬傾計。到左七點幾,求其去間老牌冰室食個早餐先返屋企訓。星期六七點既冰室,已有好多人,我坐左中間張圓枱,而同枱仲有一個廿幾歲既女仔。
「唔該,A餐,熱奶茶。」點完就攞電話出來睇下啲隊友有咩無收穫。
「熱奶茶,邊個?」我即刻舉手示意,放低後落兩粒糖,攪勻,飲...
「嘩!咁X甜既...」
「先生...」好似有人叫我...
「熱奶茶!」待應又遞一柸熱奶茶...
「先生...你係唔係飲左我柸茶走呀?」原來係同枱女仔叫我...
「哎呀,阿珊,唔好意思,我叫水吧沖個柸俾你。」
「唔該啊,達叔...」少女溫柔地答。




望住女仔,一頭黑色長直頭髮,前額劉海,上身著白色tee,雖不是巨乳,但都屬於竹筍形,估計有33C左右(啊!壞習慣...),雙眼算大,但水汪汪的雙眼卻不聚焦望前方。當茶走送來時,佢用雙手確定柸既位置,我明白原來佢睇唔到...
當佢飲完柸茶走後,就係斜揹袋攞摺疊手杖出來,走到櫃台埋單,之後走入人羣中...
「個女仔成日來?」我八卦問待應。
「你講阿珊?係啊!佢係附近社企返工,朝朝都飲柸茶走先返工。」
埋單後,我揸車回家訓,準備今夜再獵食...
可能係尋晚無發洩,今朝個人訓得唔好,三四點已經醒左訓唔返,來到老蘭都仲係六點幾左右,就搵間野食住先。
「Ken...」有人叫我,但把聲我唔想應佢。
「Ken啊...」越來越近...
「Ken...做咩唔應人呀?」避無可避,「係...我諗緊野...」
來者戴白色粗框眼鏡,身形中等,皮膚略黑,平頭裝既男性,英文名Cox,人稱撿屍大隊長,我地狩獵派就鐘意叫他烏鴉。




「做咩咁早呀?七點都未到就到老蘭?」他好奇咁問...
「你咪仲早!最近啲女興早飲早醉咩?」我諷刺地反問...
「唔係...我有要事去附近啫...」
「咁我唔阻你,我去食野先,拜拜!」我講完就走,唔等佢反應。
其實佢個人唔是太差,不過就是太出名,有傳佢試過一晚撿五屍(唔知係分開定6p?),亦有傳佢多次調停爭屍事件而令撿屍黨日益壯大等,所以我地狩獵派都不屑與他為伍,叫佢烏鴉就係諷刺佢專食人食剩既野...
依家真係太早,所以我去附近PMQ搵下野食先。去到二樓,見到有間cafe啲鬆餅幾正咁,於是買左件再搭柸拿鐵,坐係鋪到慢慢嘆。
「Joey,無事我走先...」一把好似邊度聽過既女聲係附近傳來...
「阿妹啊,你走得未?咦?阿Ken?你係度既?」又一把幾個字前聽過既男聲係門口出現...