點解我變左O Camp個主角?: 第二章

係一個風和日麗既朝頭早，太陽伯伯試圖用光線叫我起身。但係，當我試圖逃脫 

太陽伯伯既光線既時候 

「啪！」 

屌！邊撚個打我啊！？ 

之後，有一把好熟悉既女性聲音，同我講 





「死仔！起身喇！而家幾點啊！？仲訓！幾多歲人啊你！？自從你同嗰個呀琳 

分左手之後，就變到咁頹廢！而家暑假都唔做運動！又唔溫書！你黎緊考DSE 

架啦！你而家已經讀埋D垃圾學校架喇！仲唔比心機D，將來點算呀？」 

無錯，鬧緊我既係我老母！邊有老母會提自己仔女前度架！？佢又唔係特別有 

錢，又唔係特別好！都唔知有咩好提！但係，我都明白佢只係唔想我咁頹姐。 





於是我好聲好氣咁答佢 

「我個間名校黎架喇！個時又係你話想我入呢間既！而家又鬧間學校垃圾！同 

埋我唔係唔搵D野做，而係我而家休養身心緊咋！而且暑假都係開始左一日姐！」 

佢唔知食左咩春藥定抑或係黎M，好火爆咁講 

「你地個間緊係名校啦！出名白痴同低能呀！成日都有騎騎呢呢既新聞想唔出 





名都難啦！仲有，你休咩養啊？你老母我一年365日做家務都冇人工出都係咁做 

啦！咪又係冇休息！以前明明有跑步天份又冇啦冇放棄！正一衰仔黎！」

我都廢事同佢再嘈，就起身刷牙洗面，順便出廳食老母煮既早餐。食食下早餐， 

老母突然講 

「衰仔！見你暑假冇野做，睇你個款又唔會溫書架啦！我幫你報左私民既暑期 

田徑訓練班啊！後日就開班架啦，你記得去啊！唔好囇曬呀媽D錢啊！」 

我嗰一吓真係嚇到噴蛋，跑步？我唔想攞苦黎伸呀！咁耐冇跑會死架！會暈之後 

仆爆下巴架！ 





我即刻好唔耐煩咁同老母講 

「媽啊！唔好咁啦！咁耐冇跑瘁會死架！唔去。。。」 

我都未講完，老母就打斷我而且講 

「我生左你就真係比你激死呀！唔駛再講！一定要去，唔去既話以後冇零用錢！」 

冇零用錢．．．冇零用錢．．．冇零用錢．．． 

呢4個字不斷係我耳邊徘徊，基於我係一個非常懶既人，我唔想返工，為左我日 

後舒適既生活，我都屈服係強權之下！ 





於是我就問我老母 

「咁要去邊到練呀同幾點呀？」 

佢去左拎左張野比我睇，哦，原來係宣傳單張，佢仲同我講 

「自己睇！」 

你比得張野我，我都知係要自己睇！

點知一睇，今次仆街啦，要朝早10點去到 

青衣運動場。唔撚係啊！以我認知我住緊附近好似冇巴士或者小巴去到青衣架 

喎！屌！咁姐係我要轉車啦！而且由我住緊個到去到青衣，起碼要預早一個鐘， 





即係話我要最遲要9點出門口啊！呀媽，你都想殺左你個仔姐，下次直接D了 

結左我就得架啦。 

時間過得好快，咁就到左第一日既訓練日，我匆匆忙忙就出左門口，當我由巴士 

轉去搭小巴，係青衣運動場隔離個小巴站落左車。望一望錶，好彩仲有5分鐘剩。 

我好悠閒咁行過去運動場，呢個時候我見到有兩個女仔係架私家車到落左黎，佢 

地兩個都笑容滿面，其中一個仲笑我比人感覺好窩心，佢地睇落應該都係好開朗 

既人，佢地仲講 





「BYE BYE DADDY！」 

「唔該曬 Uncle你啊！」 

嗚呀！佢地把聲真係好好聽啊！ 

佢地講完之後就行去運動場方向，唔係掛！？唔通佢地都係報左暑假田徑班？呀 

媽，原來你唔係想殺左我，係益下你個仔隻眼同滿足下你個仔D FF！I Love You 

MAMA！

佢地兩個行左入去之後，我都跟住行入去。係更衣室換完衫之後，我就出左去見 

到有一班人，我就行左去過左去問個拎住疑似點名既大人 

「請問呢度係咪私民暑假田徑班？」 

「係呀！你緊係樂嚴喇！我地等緊你咋！好啦大家去跑3個圈熱身先啦！」嗰個 
私民大人笑住咁答 

係呢個時候有一陣笑聲將我從過去帶返去現實，蔓喬仲講 

「哈哈你都幾鐘意最後一個先出場架喎！」 
我好尷尬咁摸一摸後腦，就繼續將個故事講落去 

跑完之後，佢叫我地拉筋，拉筋既時候佢就介紹自己 

「HELLO，大家好！我係你地今個暑期班既教練江SIR，黎緊呢10堂都會由我 
黎指導架！」 

拉完筋，踢完腿，加速跑完，江SIR就話 

「跑短跑既就企我右手邊，長跑就左手邊，田項就繼續坐係度！短跑既就3、2、 

1 2SET計時，長跑既．．．」 

我聽到要跑3、2、1 2SET之後我都冇心機再聽落去，因為我知我將會面前死刑！