港大七不思議食女事件: 12. 劍圍

12. 劍圍
 
鏡頭一轉，蜜色女已經依偎住我，在Beijing吧台側面，飲多兩杯，同我攬攬。身為浪子，我並不訝異，因為好細個就知道，感情嘅嘢，決唔係可以相識長短嚟量度。
 
「你成日同其他男仔都係咁，識咗一陣就落club？」
 
「唔係，通常調番轉，喺Club先識佢地，再一齊跳架。」蜜色女笑得極媚，喺燈光忽明忽暗嘅Beijing入面， 雙眼細長好看，柔情無限。
 
受港大文學院西方教育，我當然知道年輕人落Club消遣，甚為等閒。我好多朋友雖然讀番書，追趕西方潮流，一身Hollister或A&F，但係大腦仲保留緊薙髮、蓄鞭、紮腳等小農思想，將落club嘅男女統統視為狗公蕩婦，想將佢地浸豬籠。
 


相反，我就好似超現實主義者，聽到某君自稱嚟自未來，覺得此事極為平常，根本不值驚訝。
 
再加上，明明兩三個鐘之前，我仲招呼緊強國客，負責企，戇鳩鳩，諗緊今晚返屋企究竟打唔打飛機。但係如今我手上，無啦啦多咗條識咗唔夠六個鐘嘅豪放索女同事，世謂超現實，莫過於此。
 
我攬住蜜色女，思考緊人生、Surrealism同落club嘅關係嗰陣，蜜色女梨窩淺笑，突然間一頭哄埋我耳邊，半邊蜜糖酥胸壓落我胸肌，問我：「你唔會覺得我好曳咩？」
 
「再曳嘅我都試過。」蜜色女香氣催使下， Carol、Elaine、允雅嘅纏綿畫面，係我腦中掠過，使得我嘅銀索金鈴充滿血，變成玄鐵重劍，準備出鞘。
 
蜜色女不知自己在砧板之上，反而仲好似無骨一樣，挨喺我身。我同自己講，我今晚一定要有著落，玄鐵重劍出鞘，不見血決不回鞘。
 


「咁你曳唔(？)……(？)……」
 
「Tonight’s gonna be a good night,
And tonight’s gonna be a good good night……」
 
Beijing音樂澎湃，我雖然我同蜜色女近在咫尺，但係我完全聽唔到佢講咩。
 
蜜色女向長毛Bartender揮手示意，叫咗幾Shot唔知咩酒。一Shot。兩Shot。三Shot。四Shot。佢非常豪氣，拎起信用卡，自己畀晒錢，說道：「我畀啦，剛才好彩有你救我咋！」
 
我酒量甚淺，隊咗一兩Shot，已經唔係太頂得住，令到舞池同Bar台嘅短短幾步路，好似幾個世紀一樣咁遠。


 
行到去舞池，自然攬得蜜色女更加緊。佢非常受落，你眼望我眼，可能飲咗些許酒嘅關係，佢嘅眼神亦有啲散亂。
 
我借醉，喺蜜色女耳邊，唔知係真心定假話，同佢講：「其實，如果可以，不如你做我女朋友」我唔理佢答唔答，對準豐滿嘅雙唇，一嘢轟落去。
 
Billion播住Pitbull嘅Give Me Everything，我就隨住音樂，一路轟落去，唔由得佢反抗。
 
起初，蜜色女都有零點三秒嘅猶豫，後腦微微後傾，但係意亂情迷，加上音樂同酒精嘅緣故，由半分抗拒蛻變成十分迎合。我拉佢埋舞池一角，越咀，隻手亦越唔規矩，隔住衫摸佢Cup手雙峰，逐漸伸手入去佢衫入面。我越摸，佢呼吸越急促，有幾次，喺我耳邊忍唔住「吖吖聲」叫咗出嚟；我亦都感覺到玄鐵重劍呼喚，就知道咁樣久攻不下唔係辦法。奇怪嘅係，我竟然有咗心動嘅感覺。
 
可能我屌緊嘅，唔係原始肉體，係感情。
 
正當認真思量，我究竟會唔會天真及傻，對呢個識咗唔夠六個鐘嘅女仔動情，蜜色女掙開我，拎起電話起勢咁掃，面有難色，講咗句：「夜喇，我媽咪急call，係時候屋企喇。」
 
蜜色女竟然真係轉身就走。臨走之時，佢轉身，反客為主一嘢轟落嚟，攬實我，舌尖送上佢食緊嘅半粒檸檬味糖。
 


佢拎起手機，打咗句：「This is our sweetest goodbye, I will see you soon Marvin.」言下之意，竟然無意交換聯絡方法，拍吓屎忽就走。
 
我既甜、又失望。
 
屌，咁點呀？我自己返去打飛機呀？除咗呢樣，情感上，我唔容許呢個啱啱進上我生命嘅女仔無端退場。再加上，上次錯過咗允雅，無及時問佢拎電話，錯失咗寶貴光陰。
 
我好嬲，好似《火鳳燎原》嘅張遼一樣，大大聲同蜜色女講：「從來冇人可以越過我嘅劍圍！」
 
之後，我地就拖住手，離開咗Beijing。
 
「司機唔該，華富村。」我同蜜色女同事，喺威靈頓街上咗一架去華富村嘅的士，超現實地消失於午夜的中環。