港大七不思議食女事件: 7. 珍重

7. 珍重
 
記得有一次Interhall Final，差唔多全世界都去睇波，唯我擺下空城計，打開房門，躲喺房嘅一角輕鬆讀書，一眾大仙渾然不覺我嘅存在。
 
臨行之時，我仲聽到大仙講：「呢個 Marvin 正撚樣，成日同個 Elaine 一齊。正仆街仔真識食，個 Elaine 副偈真係冇撚得頂……」
 
我忍笑溫書，完全當佢地透明。Interhall， 關我撚事？
 
呢個時候，電話突然一震，我拎起一睇，原來係 Elaine：「我好悶呀，個個出晒去睇波。不如去你間房讀書啦好唔好？你間房有冇人呀？」
 


唔撚係掛？後現代女性嘅開放程度，並非我等凡夫俗子可以意會到。
 
不足五分鐘，四眼妹 Elaine未得我同意，著住短褲，戴住一條疑似係Wilson織嘅頸巾，露出二十歲女性特有嘅白滑大腿，上咗嚟我房一齊溫書。明明係冬天，都要著短褲，我諗，呢條女真係姣在骨子裡。好彩當日Wilson返咗屋企，不至於撞到正一正。
 
 「喂，好悶呀，你真係溫書架？」Elaine嬌嗔，對我嘅不為所動，有些許不滿。大丈夫一言既出，駟馬難追，講咗溫書，就當然係溫書。
 
「咁好啦，我彈結他你聽，等你冇咁悶啦。」我拎Wilson個結他出嚟，斷斷續續咁彈咗隻Sound of Silence畀佢聽。
 
「咦，你咁識氹女仔嘅。」Elaine露齒而笑，兩隻大板牙， 狀甚可愛。最不可思議嘅係，彈下彈下，佢竟然一個反身，當我馬一樣，騎上我大脾，令我無法彈結他。受西方教育嘅我，知道此乃係出於禮貌，雖然唔顯得抗拒，但念著Wilson之情， 就勉力控制自己，不要一嘢轟落去。
  


「Marvin，你知唔知，其實人地好鍾意你……」Elaine 真係人如其名，十分易拎。囡囡就食得多，被女食就未試過，久歷沙場如我，於呢個關口，都未免心情激盪。
 
話畢，我地四目交投，Elaine被我濃烈嘅男子氣息所誘，一嘢轟落去。
 
好老實，究竟我當時係咪愛上呢個女仔，我無從稽考。畢竟我識咗Elaine嘅日子並不太長，共同經歷又不多，再加上我係浪子，要令我確實地愛上人，其實十分困難。
 
但係，寒冬宿舍，孤男寡女，白滑大脾嘅女仔主動迎合，坐喺我陽具之下，膝蓋之上，身為一個血氣方剛嘅大學生，究竟愛唔愛佢，根本無關痛癢。
 
與Wilson不足一個月嘅情誼，難擋美色，瞬間就被我掉到去九霄雲外。我純熟地以濕吻回應Elaine，Elaine顯得十分受落，雙手緊緊擁抱我雄渾背肌。我渾然不覺，只係覺得Elaine好暖，我嘅身軀都越來越熱。
 


咀吓咀吓，我除去佢嘅頸巾，隨手擺喺床邊，一嘢拉低佢嘅外套，雙峰立刻浮喺我面前。Elaine呼吸急促，雙乳隨住呼叫嘅節奏，不斷晃動。
 
Elaine採取主動，一手摸住我嘅玄鐵劍，褪下咗我條褲，上下搖動，竟然同我打起飛機上嚟。
 
「好似渣波棍咁嘅手勢，咁樣一世都唔會搞得掂架喎。」
 
「咁點算？」Elaine笑吟吟。
 
「幫我用口啦。」
 
「其實我冇試過……」Elaine 面泛紅暈，低下頭淨係望住玄鐵劍，反而唔敢望住我。
 
「唔撚係掛？你見過賓周未？」
 
「冇呀，有次同個 friend 去 clubbing，佢飲醉酒，我唔小心睇到佢痾尿，算唔算吖？」Elaine 笑了，笑得很媚。


 
「你唔係之前同卡仔拍過拖咩？佢冇搞你咩？」
 
「其實，卡仔一直有正印女朋友。我唔想第一次搞，就搞人地男朋友，所以我冇畀到佢，佢就飛咗我。」
 
我晴天霹靂，原來 Elaine係處女，玄鐵重劍登時半軟。
 
出嚟得玩，所謂盜亦有道，有啲準則一定要恪守。
 
食女教條第一條：永遠唔食處女。身為浪子，當然唔想有女人記你一世。
 
我唔想佢第時同個孫講：「想當年我住宿舍，被一米八、六舊腹肌嘅Hallmate 拎咗我第一次，阿孫溝仔唔好貪靚仔呀……」
 
所以，我唔等 Elaine同意，企起身，喺半跪嘅 Elaine 面前，並將半軟嘅玄鐵劍，擺喺佢咀前，居高臨下，君王之氣外露。
 


Elaine知發生咩事，一口就把玄鐵劍擔住，前後吞吐。淫亂青春時光過得特別快，我終於忍唔住，捉實佢個頭，又派彩；起初佢尚不知發生咩事，至到佢成口都係嘅時候，佢先識掙扎反抗。
 
「正衰人嚟架，射又唔講聲。」說時遲，那時快，佢竟然想一嘢轟落嚟。
 
我隨速龍大仙練Lacrosse日子有功，手腳比入大學前靈活，好似 「廿二世紀殺人網絡」入面嘅奇洛李維斯一樣，向後一個彎腰，避開佢嘅吻。Elaine只懂狠狠咁瞪住我。
 
多年後，實感自己錯之極矣。云云食過嘅女入面，有幾多係處？有幾多冇被人口爆過？何解自己又狗衝？何解又唔介意條女被幾多條仔口爆過幾多次，反而介意自己嘅體液？所以話孔子話「君子遠庖廚」，都無不道理。
 
Elaine 惱怒無比，不發一言。我一手摟住佢，再同佢講：「君子遠庖廚啊……」
 
「你講乜鳩呀？」佢竟然嬲到要講粗口，繼續屌：「屌，紙巾呢？」情急之下，為免佢將濃精吐喺我身上，我隨便將Wilson織嘅黑色頸巾遞比Elaine。
 
Elaine二話不說，將子孫盡數吐落頸巾之上。原來Wilson喺佢嘅心中，只係用完即棄嘅紙巾。速龍仙我一次，恰鳩我，我就偷食佢一個炒麵王報復，令身體熱氣，頸巾腥臭，Elaine惱火不滅，大聲道：「屌，好撚熱氣呀你！」說罷，用力扔條頸巾落地，我不禁為Wilson感到萬分可悲。
 
忽然，房門打開，Wilson突然返來，見到衣衫不整嘅Elaine，只係著住底褲嘅我，擱喺地下嘅頸巾。奶白嘅精液喺黑頸巾之上份外耀眼，Wilson並非愚人，當然知道咩事，兀自強忍淚水，關上門就走。


 
當晚，我冇面目面對同房，徑自回家過夜，一個星期之後，先敢返宿舍。
 
我再返宿舍嘅時候，Wilson已經搬走咗，於我書桌之上留低字條，寫道：
 
「Marvin：
 
對不起，請原諒我的不辭而別。我是逃兵，無法單獨面對蝕人心智的舍堂文化，我經常想，讀大學應該是自由自在、追求真理、眾生平等；你常說，大仙只早我們讀大學一兩年，憑甚麼頤指氣使，擺起各種架子來呢？甫認識你，便覺得和你很投緣 --- 你很像我之前的同房卡仔，俱心高氣傲，不隨波逐流。說真的，我朋友不多，猶其在這扭曲的舍堂，我真的很高興認識你，有你相伴，對抗大仙，我不感孤單。
 
但卡仔和你一樣，就是太過風流，身為朋友，我勸你一句，回頭是岸，否則遲早會闖禍。我大概得認命，心上人不喜歡我，反而連續喜歡我兩個同房。你們都是出色的人，悲劇不斷重複在我身上，錯不在你，歸根究底，是我窩囊廢。
 
但你請不要再找我了，原諒我的自私，我真的無法再面對你和Elaine，請你珍重。案頭有柚子茶和The Scientist的結他譜，就當是我最後的禮物吧。
 
PS: 別太晚睡，會傷肝的。
 


Wilson」
 
Wilson案頭一空，佢好有手尾，將房間打掃得一塵不染。我出走廊問速龍大仙，知唔知Wilson幾時搬走，佢一臉茫然，講句：「唔撚知呀，是但啦。」就轉話題，彷彿呢個人根本毫不重要，不值半點留戀。平時以兄弟相稱，走時不相往來，我方知人性虛偽。
 
我返回房間，手執柚子茶，心下不禁一片蒼涼，無比內疚，諗起Wilson同Elaine，隨手執起個結他，繼續彈The Sound of Silence。
 
“Hello darkness my old friend, I”ve to come with you again…”
 
自始Elaine 再冇搵過我，無論我點 text 佢，佢都唔應機，可能因為我拒絕咗佢嘅吻之故，亦都令我長知識，我不管如何射完條女，都要轟落去。
 
午夜夢迥，Elaine有時會喺夢中出現，我總會好似經典電影「畢業生」最尾搶新娘一幕咁樣大叫：「Elaine! Elaine! Elaine……」
 
我喺宿舍屬潛艇，Elaine有心避我，令我再冇撞過佢。聽人講，後尾佢好似同隔離宿舍嘅男仔出咗 pool，而家仲一齊緊，過多兩年就結婚；我偷偷睇過佢Facebook啲相，見佢生活美滿，只好暗暗祝君安好。
                                                                                                   
我生性風流跳脫，不理後果，若能回到那年那月，面對Elaine初熟肉體嘅誘惑，大概最多只能猶豫多幾秒，無法虛偽地承諾，永不拔玄鐵重劍。我稍一不慎，就將Wilson棄於浪濤洶湧嘅舍堂，令佢永遠喺我生活入面消失。無用嘅係我，並唔係Wilson。豈知多年之後，我嘅命運依然好似Cradle緊嘅Lacrosse波一樣兜兜轉轉，一樣躑躅不前。
                                                              
 I'm sorry Wilson......