抉擇

電視聲:「廢青定沸青,誤解定理解只係一線之差……..」我每一次聽到呢一個電視廣告我都笑而不語，而家香港有幾多真係沸青被誤會為廢青?香港仲有幾多青年人會有夢想?每人為返學放學而勞碌，仲邊有時間諗夢想?唔好話夢想就連諗野既時間都無仲講夢想?
 
真實情況係廢青認為自己係沸青，狂想當夢想。
 
我就係一個廢青，我既父母一直都唔係我身邊，因為父母一早就離婚，我就被父親帶走了，而佢帶走了我後離家出走無再返過尼,我就係靠住親戚的錢生活下去，但我並唔係同親戚住，我係一個人住,親戚只係每個月比錢我，所以我同佢地既關係都唔係太親密，而呢一個狀況就令到我同其他人既價值觀完全唔同，或者係我更加了解人性，所以我有不同既想法。
 
我個名叫白，點解個名咁怪?,因為呢一個名係我自己改既,就好似我依家暫時既人生一樣,沒有色彩。今日係星期六，但依然要返學,因為要補課,相信大家都唔會奇怪因為依家有邊個到中六唔係返足一星期六日學?但今日既補課係非常特別……
 
返學途中我見到我既好朋友呀信，朋友我有好多但好朋友都係得果幾個，大家都知道口講既朋友係幾無意義，更有時喱一D所謂既朋友會係你背後講你壞話，而你知道但都要同佢地繼續做所謂既朋友，為左咩?就係為左唔同佢地做成衝突以免麻煩。
 

呀信走過尼之後講:「唉，星期六都要返學，仲要見到你條傻仔，一朝早就咁黑，連衰兩獲。」，我回「食屎拉你!!」然後大家都冷笑一聲。，就一起走去學校
 
男人既友誼就係唔需要講太多，亦唔需要好禮貌咁打招呼，但大家也明大家的心意，粗口也變得不粗俗。
 
我地返到去學校，回到了班房，睇到全班都到齊只係差老師未到，我問呀信「平時老師都係早到，點解今日咁遲都未到?我地今日仲要遲到TIM」 呀信回我：「我點知呀!!」之後我地就坐反埋個位到等，一直等一直等一直等………. 已經過左20分鐘，但老師遲遲都未出現，男班長就話「不如我落去搵老師。」，跟住MK仔就出尼講「你好想上堂呀????」，學霸就出尼話「你唔想上堂返尼做咩呢???」，之後嘈左一輪，直到突然有廣播，全部人都靜落尼，廣播到有人講野，而聽聲應該係用左變聲器：「唔洗去搵拉，人已經到齊，可以開始抉擇了!!」
 
 
                                                                                                                                                                                                                        --待續