曖昧，永遠都是一對男女最享受的過程。: 第二十六章

呀晴帶到我到一間KFC面前停了下來。

「你唔係諗住食KFC下嘛?」我問。

「你又話冇所謂。」

「咁出到黎尖沙咀仲食KFC好似唔係咁好,,,」

「我想食，係咪唔得?」





「咁又唔係，只係難得同你食野，上次同你食野又係食M記...」

「我 話 我 想 食!」

我知我再說話，後果就會一發不可收拾。

所以我只好跟著呀晴走進KFC。

其實我真的不想浪費這難得的共膳機會，但當初又是我叫呀晴決定...





只好怪我沒想到呀晴會想食KFC吧。

在我們步入KFC的時候，突然收到呀健的來電。

呀健這個人，平日有事都不會主動找我的。

「喂，做乜勁呀，健哥竟然會打電話比我?」我說。

「冇呀，諗住睇下你係邊姐，睇下你出唔出黎。」





「我係尖沙咀呀，你同邊個一齊?」我隱約聽到他身旁有人在說話。

「同呀泳喳嘛，我地係朗豪坊呀，你過唔過黎?」

「你同你女朋友一齊，仲叫我黎做咩...」我對於他這個行為極度鄙視。

「驚你自己一個會悶丫嘛。」

「我寧願悶死都唔想比你地曬死!」

「嘩，你咁講野既，都係為你好姐。」

「為我好唔應該係叫我做你地電燈膽囉...」

「邊個黎架?」呀晴打斷了我和呀健的對話，問道。





「呀健打黎，叫我去做佢同佢女朋友既電燈膽!」我回答。

而呀健好像也聽到呀晴的聲音，說:「原來你同呀晴一齊，幾時發展得咁快架?」

「發你個死人頭!」

「之前聽呀智講話呀晴係一個唔合格既女朋友黎喎，你唔驚咩?」

「下，有人話過佢係我女朋友咩?」

「扮咩丫，個個都咁講架啦，唔阻你地拍拖啦，一陣...」

我沒有等呀健說完就收了線。





但我在收線後，卻不禁笑了一聲。

是一個冷笑。

「做咩係度傻笑呀你?」呀晴問。

「冇呀。」

「講啦頂你!」

「都話冇，我去買野食呀，你去搵位先啦。」我說。

說罷，我就馬上去排隊買野食，免我再被呀晴追問。

在排隊的時候，我回想起呀健剛才說的話。





「之前聽呀智講話呀晴係一個唔合格既女朋友黎喎」

戀得拋低智商時，萬樣缺點也如塵埃消失了。

至少到現在，我的看法和呀智的不同。

「原來你同呀晴一齊，幾時發展得咁快架?」

「扮咩丫，唔阻你地拍拖啦」

呀健的這幾句話一直在我腦海中徘徊。

或許，以往我一直都是我一廂情願。





但在得到別人的「認可」後，這就不再是我可以「一廂情願」下去的事來了。

行動，我已經做了。

現在我可以做的，只有盲目地等?

當有人說你，極其襯我，在那一刻先最難過。