曖昧，永遠都是一對男女最享受的過程。: 第二十四章

「就到喇，準備落車喇。」我拍一拍身旁已睡著了的呀晴。

「嗯...咁快到既...」她連忙整理一下自己的儀容，並把耳機收起來。

雖然她是睡著了，但卻一直都戴著那個耳機，兩個人戴著一個耳機。

雖然我也很想睡，但能處身於這樣美好的時光，我才不會浪費時間去睡呢!

「尖沙咀咁大，你諗住行邊度呀?」在下車後，我問呀晴。





「唔知架，邊度有野睇咪行邊度囉。」

「咁你又話想黎尖沙咀,,,」

「我好耐冇黎過，想黎行下嘛，係咪唔得先。」

「咁又唔係...」

「你夠話同我出街既話好邊都冇所謂啦，唔好咁多意見!」





男人在口才方面不會夠女人強，看來這是不爭的事實。

我再沒有理據去跟呀晴說下去，只好乖乖地跟在她身後。

今天是聖誕節，到處到人山人海。

特別是像尖沙咀這種旺區。

街上情侶一對對，這場景令我不禁覺得自卑。





同時街上也佈滿了濃厚的聖誕節日氣氛，更適合於情侶約會。

雖然我與呀晴也是一男一女，行在街上也沒什麼顯眼。

但不同的是，我們沒有拖手。

我看一看呀晴，發現她也注視於街上的景況，氣氛又再次變得尷尬。

難道我們本來就不應該約在聖誕節這日出來?

「喂，你會唔會覺得好奇怪呀?」呀晴問。

「咩奇怪呀?」

「周圍都係情侶，你會唔會覺得好唔自在?」





「唔會啦，我自己一個係街度行就話姐，但依家係同你一齊喎。」

「邊個要同你一齊呀!」

「咁我走囉,,,」我刻意走開幾步，扮作要離開似的。

「唔得呀，過返黎!」呀晴拉我回到她身旁。「係咪要掉低我一個呀?」

「講下姐，我點敢喎。」

「哼，算你啦!」

這種打情罵俏似的對話方式，在我們的whatsapp對話中早已見怪不怪。





但面對面的，從來都沒試過。

「唔玩你喇，我地去The ONE嗰邊好冇呀?好似話依家有比卡超睇呀。」呀晴說。

「比卡超?」

呀晴是個很喜歡比卡超，但卻不知道什麼是寵物小精靈的人。

「係呀，我想同比卡超影相呀，行啦!」

我還來不及給她反應，她就拖著我的手向The ONE的方向前去。

嚴格來說，她只是拉著我的手。

「喂，唔好行咁快啦!」我叫道。





但她卻沒有理會我，反而拉著我的手，愈走愈快。

其實，我只是想「拖手」的時間能更長一點...