曖昧,永遠都是一對男女最享受的過程。: 第四章
離開了呀智的住所後,我們並沒有馬上回家。
而是到了呀智家附近的一個公園聊天。
與其說是聊天,不如說是在安慰呀晴會比較好。
我知這件事是因我而起,所以我坐在一旁不敢出聲。
全程就只有呀健和呀泳在安慰她。
但呀晴並沒有在哭泣。
我坐在一旁,也能感受到呀晴的怒氣。
「可能係好耐之前既事黎架呢?」
「係囉,係咪你地睇錯左喳?」
呀健和呀泳一唱一和地說著。
但我是清楚看見,他們的對話內容是上個月的...
但我沒有說出來,我怕我再亂說話,事情會發展得一發不可收拾。
「唔洗再講喇,其實我知佢地一直有聯繫,但估唔到佢地會講埋啲咁既野。」呀晴憤怒地說著「好噁心」
這三個字說出來的同時,我感覺到一股無型的壓力。
我們三人都不知如何可以平息呀晴的憤怒,唯有叫她早點回去休息,不要想太多。
在呀晴離開後,我們三人馬上隨即展開另一場討論。
「你地既兄弟今次真係唔抵幫囉,搞啲咁既野出黎,佢地今次睇黎都要分手架喇。」呀泳說。
「雖然佢係我兄弟,但佢做到咁,我真係唔知可以點幫佢...」呀健附和著呀泳。
「咁姐係你都幫呀晴啦?咁快啲搵個人哄返呀晴啦!」呀泳望著我和呀健說。
「你哄啦,話晒你係女仔,你哄會易啲既。」沈默了很久的我對著呀泳說。
「咁呢單野係邊個搞出黎既先,如果唔係你...」
「得得得,怕左你,我哄啦...」我打斷了呀泳的責罵。
「咁交比你架喇喎,唔好比我知你冇搵到佢!」呀泳說。
「得啦,我會搵佢架喇。」
說罷我們便回家去。
「唔知呀晴訓左未呢..」
我打開whatsapp,卻發現呀晴在線上。
老實說,我也會因為內疚而令我無從入睡,更何況她是當事人,是受傷者?
我想她今日一整夜也會因這事而睡不著...
我:仲嬲緊?
呀晴:你話我知點先可以唔嬲?
我:唔好諗咁多啦,或者件事唔係好似我地諗既咁?
呀晴:我想依家就同佢分手!
我:唔好咁衝動呀!諗清楚先..
呀晴:我好清楚自己做緊啲咩,亦都好清楚佢做緊啲咩
我:不如比小小時間自己冷靜下先啦...
她沒有再回覆我,我亦手握著手機,不知不覺地睡著了。
我一睡就睡到中午才醒來。
我看著手機,接近20個未接來電。
「邊個搵我搵得咁急呀...」
剛睡醒的我沒有馬上記起昨天的事情。
再當我打開whatsapp的時間,我嚇得整個手機掉了在地上。
呀健:「呀晴同呀泳有冇搵過你?」
呀健:「呀泳好似話有急事搵你呀,你快啲覆佢啦!」
呀泳:「你琴晚到底有冇搵到呀晴?」
呀泳:「你同佢講啲咩黎?」
呀泳:「你知唔知呀晴岩岩同我講話佢去左搵呀智講分手」
呀泳:「你肯覆我未?」
我真係令到一對情侶分左手?