《每個人點都要食一次檸檬》: 傾訴

「迪迪仔，你都篤爛曬d檸檬啦，你仲篤黎做咩？」呀雄仔問一問我，我先識得回過神黎。

無計啦，琴日既畫面好靚，我不停咁回味都唔厭呀嘛。

「無呀，我習慣黎架。」我呃佢。

「你咁飲小心肚痾呀！」雄仔一睇就知我老點佢啦。

「咩事咁開心呀你？話請我食早餐，一黎到既時候你又神不守舍咁，一睇就知你係春風得意啦！」雄仔佢講到頭頭是道咁。





其實佢唔似係form1仔，正常既form1仔係唔會講呢d野。

只會好on9咁同你講d小學雞野，因為佢仲習慣緊小學生活，講打機！講認叻，邊個叻d呀，比黎比去咁。

點會講得出呢d野先得架？但偏偏佢就係咁，抵佢食咁多女既真係……

「你又知？你唔俾我今日有錢買點咩？」我大返佢轉頭，雖然我知自己無咩說服力。

「咪玩啦迪少，你係咪溝到晶婷呀？」





「我好似鐘意左個女仔。」講呢句既時候真係要好大勇氣架。

尤其是你同身邊d fd講，正常都係溝左先講架嘛，講左溝唔到真係幾柒下。

「你鐘意左個女仔？你唔係不嬲都鐘意婷婷既咩？依家又換口味啦？」佢咬住佢手頭上果個豬排包。

「婷婷佢...唔知點解啦，總之佢係我鐘意既果類型，但就係對佢無咩感覺。」我坦然。

「得﹗姐係婷婷唔係重點啦，快d講你鐘意邊個啦。」佢望一望隻手錶。





我都意識到佢好似趕時間咁，我都驚遲到，我未遲過到架。

「我好似鐘意左西西。」我細細聲講，我都驚俾其他人聽到。

「下？邊個係西西呀？」佢用疑惑既眼神望住我。

咁又係既，我又無同佢講過，唔知都唔出奇呀。

「坐我隔離果個呀。」我盡量描述佢既特徵，好等佢知道呀嘛。

「哦﹗我知邊個。」你知係邊個就最好啦，「但係佢都唔靚。」

頂﹗佢一下插中個重心，我都唔知點講好。

「乜你d taste咁差架？」佢鄙視我，但我知佢係講笑既，因為佢頭先個表情好特登同埋好樣衰。





「所以咪話好似囉。」咁的確西西佢唔係稱得上靚呀嘛。

「好，究竟發生咩事呢？」佢換一換個認真既眼神同我講。

我將琴晚既事情向雄仔媚媚道來。

更加將我琴晚既感受講曬出黎，事情經過呀果d。

佢聽完之後就係度沉思，其實只係食埋個早餐姐。

「我諗你之後先會分得清咩係鐘意，咩係愛。」佢大啖大啖咁飲佢果杯凍奶茶。

我唔明佢呢句係咩意思……對我黎講太深奧，鐘意同愛唔係應該一樣既咩？





「我都唔知點解釋俾你聽。」佢頓一頓，然後繼續講埋落去，「我都係聽人講鐘意同愛係有分別，我都覺得係有唔同，但有咩唔同，我都唔知。」

「當分得清既時候先落定論啦。」佢望一望住錶。

「仆街！夠鐘啦喂，快d買單走啦。」

我地既對話就咁樣無疾而終，不過好彩佢無同人地講我既事，雖然都係無咩好講既。