《執劍》: 第二十三章－－伊拉克邊境，三方分戰（四）
第二十三章－－伊拉克邊境，三方分戰（四）
韓非子：「兵不厭詐。」
狼蛛伸出左手向風仔噴出巨大的蜘蛛網，風仔立刻用風刃斬成碎片，雙眼亦一直留意著狼蛛的去向，免得他用蜘蛛網只是對自己的虛招，感覺到狼蛛向自己的右方突衝，風仔馬上準備風刃以作防禦，眼見狼蛛突然加速向自己揮出右勾拳，風仔亦向後退放出風刃，避免狼蛛與自己的距離拉近。
狼蛛利用噴絲微微改變自己前行方向輕易避開，同時亦無減前衝的速度，狼蛛一笑後用左腳再次調整方向，衝向風仔，令僅用小跳後退的風仔一時只能與之硬拼。
面對著狼蛛的右勾拳，風仔舉起雙手使出一面風盾抵擋，雖然無被直接擊中，但亦令風仔向後退了一小段距離，之後風仔用雙手抓緊地上，單膝跪著的姿勢。
「原來你可以用風做咁多樣野，哈哈，連盾都得，有趣！有意思！哈哈！！」狼蛛大喝。
風仔留意到剛才自己被打飛的位置留下了一大堆絨毛，想必是他右手的能力，如真正的狼蛛一樣，會用絨毛去干擾對方的視覺和嗅覺，以及刺激皮膚，產生過敏反應。自己用的風盾剛好阻止了狼蛛放出的絨毛。
「狼蛛最出名係用既劇毒，唔通佢較黑既右手除左放絨毛之外仲可以放毒？定係被佢拳頭上有毒牙？一定唔可以被佢同自己皮膚接觸到，唔可以打持久戰。」風仔心想著如何應對。
「風本身就係無形之物，只要心細技高，無論咩都可以創造出黎。」風仔維持著跪下的姿勢，向狼蛛慢慢地回應。
「洗唔洗咁快跪我求我放過你呀？原來只不過係一個垃圾懦夫，等我玩多陣先啦，哈哈！」狼蛛望到面前跪下的風仔，不禁大笑起來。
「你趁可以笑就笑多少少，唔係我怕你會後悔。」風仔一片認真地向著狼蛛說。
狼蛛聽後反而繼續大笑了一段小時間，沒有停止的念頭，盡情恥笑仍然跪下的風仔，認為剛剛的一拳已令風仔震撼到無法站起。
處事冷靜的風仔創造並用左手握著一支注入少許靈力的風矛，以後站起，等待狼蛛衝前然後給予的一擊，一擊必殺。
狼蛛感覺到風仔手上再次握著的風矛。「你認為同一招可以對我有效？」接著便向風仔不斷噴出蜘蛛網，風仔一邊逃跑，一邊放出不同大小的風刃，令狼蛛不能夠太接近，但風仔亦察覺到隨著蜘蛛網的數量增加，自己的活動範圍越來越細小。
狼蛛知道風矛的威力，因此亦不敢妄動，利用蜘蛛網減少風仔的活動範圍，封鎖他的行動。直至有機可趁才用劇毒及絨毛作為最終一擊，所以他不停追擊著風仔的去向。
風仔面對著狼蛛不斷放出的蜘蛛網，雖然能夠從容逃避，但每次的跳躍依然不敢太大，所以只能在閃避的期間放出風刃，阻止狼蛛的前行，改變狼蛛的方向。
風仔手中緊握著那一支風矛，作為自己的最後武器，亦叫狼蛛不敢突然衝前。狼蛛所噴出的蜘蛛網範圍甚廣，不知不覺，蜘蛛網已包圍著風仔，只剩下一條直路，而直路的終點，便是狼蛛身處的位置。
「哈哈，你已經無路可以走，你岩岩唔係跪低，打算求我架咩？如果你宜家求我，或者我會饒你一命，收你做我既奴隸，哈哈。」狼蛛向面前的風仔笑說，知道自己已勝券在握。
「你認為我將會死？」風仔無視狼蛛的挑釁。
「哈哈，你認為自己可以走去邊？你一直唔敢跳太遠，因為你係空中無法移動，假如你滯空時間太長，我會直接係你落地位置放下蜘蛛網，而你亦將會成為我既獵物。咁係你已被包圍既情況之下，你又可以做到咩？哈哈！」狼蛛看到自己捕獲成功的獵物，心情極佳，甚為興奮。
「你知唔知道，我同你既位置係岩岩好對調左。我企左係你用右拳打飛我既位置。」風仔一指已飄散在地上的絨毛，續道：「而你企左係我岩岩停左既位置。」
「哈哈，你唔講我又真係唔知。不過根本就唔重要啦，你就正式成為我既獵物啦！」狼蛛一喝，用左手向著無路可逃的風仔準備放出最後的巨大蜘蛛網。
風仔舉高左手，露出拋出風矛之勢，狼蛛心想著：「徒勞。哈。」
狼蛛亦準備向左或右閃避，打算將噴絲留待風矛過後再使用。風矛一拋，狼蛛感覺到風仔這一次拋擲的目標是自己的頭，直接側頭便避開了。
「哈哈，你拋矛差左喎。定係你已經驚到手震呀，哈哈！」正當狼蛛想噴出蜘蛛網的時候，突然發覺有四支風矛刺穿自己的身軀，他向下望，才發覺四支風矛是從地下衝上，狼蛛口中不斷噴血，知道自己的心臟及肺已被刺碎。
「我講過風係無形之物，只要心細技高，就可以創造出自己想要既野。我跪低既時候，做左五支風矛，四支風矛埋係地下，用各自四條注入靈力的極幼長風絲連接我手上，即係你唯一見到既風矛，只要我拋走我手上既風矛，風絲就會帶動地下既風矛衝上地面，亦即係，你宜家所企既位置。」
「你…用陷阱…卑…鄙…」狼蛛只能慢慢讀出自己的心聲。
風仔準備一把大風刃，以終結這場戰爭。「係戰場上，輕敵只會令你失敗，唔通你以為我一直跪係道，真係因為你果一拳？定係你以為我同你講咁耐野，真係咩都無做？我地兩個位置調換唔係偶然發生既事，多謝你笑咁耐，令我有足夠時間準備自己既風矛陣。」
話完，便放出那把大風刃，狼蛛的人頭便落在地上，雙眼中依然帶著不甘。同時，風矛及風絲亦開始消失，狼蛛的身軀亦倒在地上，知道完結了，風仔不禁跪在地上，因為製造風矛及極幼風絲需要大量靈力，令風仔有一點吃不消。
「如果你能夠避開呢個風矛陣，瞓低既將會係我。」風仔心想著。
狂妄自大，便會令人心不夠細，不能留意到戰場的細節，不能洞識到戰場的變化。
戰場上，就只有生與死的分別。