請先讓乘客落車 please let passengers alight first!(至第廿六章): 第三章

「請先讓乘客落 please let passengers alight first!」（第三章）上回: http://bit.ly/第二章

上回提到： 除哥叫我跑去第一卡睇下有冇幾個戴頭盔嘅人 之後我喺明仔同白背女你一句我一句下走去第一卡...究竟會唔會見到戴住頭盔嘅人?
究竟Benny有冇事呢?
白背女點解會由第一卡走過黎嘅?
點解除哥要叫我而唔係明仔去？我估我唯有去第一卡搵答案...
*******************************************************************
我冇諗咁多就一手搶左明仔個電話然後向一號卡走去。

我當時嘅位置喺第七卡，跑去第一卡嘅話大概10-15秒，但當時嘅月台擠滿人，跟本冇可能以呢個速度跑過去， 但我真係好想件事快d完結，





等我可以做返波板糖人，輕輕鬆鬆早收工 。 所以我冇理咁多，一味向第一卡衝過去。

「唔該...唔該...」我盡量左右撥開人羣

「喂阿琛？！喂⋯⋯？喺唔喺度呀？」

「喂...除哥！我喺度。我而家喺第四卡呀！」

「好，不過你要快d喇，冇時間喇！」





「咩意思呀除哥，點解冇時間嘅？」

「唉琛仔，你唔好問咁多啦！ 你要喺一分鐘內到第一卡！ 唔好遲呀琛仔知唔呀？！」

「哦....但係....點解要一分鐘內嘅？」

「你唔好問咁多啦， 總之你去到第一卡就明架喇」

「哦....」我即刻將隻錶較去計時mode。





「唔該借借呀唔該....」 我盡量推開人群

「阿琛！你聽住 陣間你見到個幾個頭盔人嘅時候，話俾我知佢地嘅頭盔係咩色。」

「吓...哦」呢個時候 雖然我有好多問題要問除哥 不過 而家已經冇時間 我唯有聽住除哥嘅指示先。

終於到左喇！終於喺第一卡喇！ 我望一望隻錶，仲有10秒到一分鐘！

我嘗試望入車廂，由第一卡號4號門一路掃上去...見到車入面嘅人都開始鼓躁，有一部分本身坐喺度嘅都起埋身，始終度門都已經閂左接近5分鐘。

掃到1號門，就喺車長控制室前面...

「除哥..除哥...我見到喇..有3個戴住頭盔嘅人。喺...一號幕門入面。佢地戴住嘅頭盔係黑色！ 」





「琛仔，你肯定係黑色？」

「肯定！除哥，你可唔可以話我知到底發生咩事？ 同戴頭盔嘅到底係咩人黎架？ 」

「琛仔， 我知你有好多問題。 不過 你問我都冇用。 我答唔到你，我淨係知只有你先可以阻止佢地！」

「吓？！只有我？阻止？佢地？佢地係咩人呀？阻止咩呀？」媽 我好亂呀！！！ 唔得 我要冷靜 雖然呢短短5分鐘發生嘅嘢實在太不可思議 先係幕門唔識開 然後車長Benny打俾我但冇出聲 再黎係除哥 頭盔人...到底發生咩事呀？

點解會發生呢d嘢係我身上？

「琛仔 ， 你問嘅問題我都好想知，其實早幾日有1個女仔，喺我放工嘅時候喺站門口等我，話只要我跟佢地嘅指示做， 就會有10萬。

我今朝收到佢嘅指示， 話叫你去第一卡度， 就係咁喇！」

「除哥， 你話個女仔， 係點樣架？」





「er....長頭髮lor，金金地色，揹住黑色書包...」

「......！」白背女？？點解會係白背女嘅? 佢究竟有咩目的? 我要搵佢問清楚。

我諗住返去搵白背女嘅時候, 佢已經出現喺我面前, 原來佢一直喺後面跟住我..

「你到底係咩人? 係咪你搵除哥?」 我單刀直入咁問佢

「你叫馮永琛, 今年22歲, 喺地鐵返左2個半月工, 之前喺7仔....」

「點解你會知架? 你到底係咩人? 你想點呀?」(第三章 完) 待續...

*************************************************************************************





100個 like會加快力度出文
50個 share會每篇加字FB: 一碌木
紙言： 一碌木