《血變異》:女皇篇 ---- 吸血鬼和狼人是一種病: 第六章

進到組長辦公室，組長坐在工作枱旁的椅上，組長是個男性狼人，極其喜歡穿西裝和蘿莉…總之，在我眼中是個變態。
 
「咁急call我地咩事？」我問組長，組長坐在工作枱旁的椅上，呼出一口煙
「你唔會call我地返嚟就為左要我地欣賞你食煙吓嘩？」我不耐煩
「當然…唔係啦~」他正把煙丟熄，掉進煙灰缸「你地…好似未接過C級以上嘅任務喎!都係時候接下B級…」
 
『血變異監察組』有5個級別，D級最低，只是處理日常事務，如審問犯人; C級是捕捉低級犯人或解散街邊小嘍囉; B級是調查短期高級犯人(犯案少於3次)及小型非法組織(多於10人); A級是捕捉短期高級犯人及解散小型非法組織; S級是捕捉長期高級犯人及解散大型非法組織。
 
我「咪玩啦!組長，我同梓駿上次捉個C級犯都損手爛腳…」
組長「殊…殊…亞駿呀!亞駿!你…你已經幾歲喇?」




梓駿「我，22。」
組長「哦!22喇!大個仔喇……其他嘅狼人係你呢個歲數都開始接A級任，你呢?」他望著梓駿，從枱上拿起一盒煙，拿出一枝含在手，打火機點火，吸一口，向我面呼出來，用拿煙的手指著我「定你嘅「儲血筒」有問題，要同你換一個?」
 
我倆瞪大雙眼，他居然要把我換走，我知道他一向看我不順眼，但沒想到他會說出口要梓駿換拍擋。
 
梓駿「我接!唔洗換!」
組長「OH!太好喇~你地…你地真係好感情!我早知你會咁講!嗱(拿出文件夾)資料就比你地，你地要努力完成喇!」
 
梓駿拿過文件夾，我倆調頭就走，就在梓駿要離開辦公室的一刻。
 




「梓駿!」組長叫停梓駿「如果…你真係應付唔嚟(指一指文件夾)，我勸你都係用返「正確」嘅方式輸血比較好…你明嗎?」
梓駿望一望組長，望一望我，對組長說「我應付到…多謝關心!」關門離開
 
我「梓駿…我諗我地做任務之前最好去多醫院一次。」
梓駿「咁聽日去…」