《台灣個表妹嚟咗我屋企住》【完】: (一百一十三)承諾

「小南，我⋯⋯」

小南主動咁錫咗我一啖，阻止咗我繼續講落去。

「六年呀？你係先好講呀，我記住㗎！」

「我從來都唔會信口開河，講過就一定會做，所以⋯⋯你等下啦，未來老婆～」

「好肉麻呀，我啲雞皮都起哂喇，嘻嘻⋯⋯」小南嫣然一笑，笑得好快樂。





呢個畫面，我永遠都唔會忘記。

當時表妹嘅微微一笑，所包含嘅係幸福、對我嘅期望，同對我哋未來嘅昐望。

六年，好遠。

但我堅信六年後，小南會喊住答應做我嘅新娘子，笑住咁同我步入禮堂結婚。

有時計劃得太長遠，偏偏冇計算埋一啲可能出現嘅意外，





結果會強差人意。