【十惡】係我的志願一欄填上：強姦犯（修訂版）: 【第五章】：第一次，殺人

（一）第一次，殺人
 
 
我拎住一個小型望遠鏡視察周圍環境，
要確保呢個時間無人出現
 
呢度係調景嶺嘅一個廢棄郊區。
就只有幾間舊屋，調查過應該無人住。
 
為左方便調查，我甚至喺呢度訓過一晚。




 
鬼？我從來唔怕鬼。
而且我好鍾意黑到伸手不見五指嘅感覺...
 
 
“到，係果度”
我望住目標，佢右手上面揸住果封貼有心心貼紙嘅信封
左手拎住一盒野
一臉春風
 




 
繼續開心啦，因為開心多一陣你就永遠笑唔出...
哈哈
 
 
 
“點解會約我黎呢度既... 唔好理喇..”
“徐麗姍同學！你喺邊呀？徐麗姍同...”
 
“你... 你點會喺到架？鍾嘉晉！”




 
 
我向他揮一揮手，一步步走過去
藏於背後的利刀已經止不住鋒茫...


（二）
 
 
“汪汪！汪！！......”
一隻成年狼狗喺草堆入面突然企起身，緩緩向我地靠近
 
 
“......！有狗！？”
我好驚，手上面嘅界刀直向佢




 
但已經手震不停...
甚至有種想瀨尿嘅感覺...
 
因為細個比狗追過，雖然果次無咬傷我
但因為咁我有陰影，一見到狗就會避開
 
 
而眼前呢隻... 仲要係狼狗
企起身已經同我差唔多高
 
 
嗄.... 嗄....
好驚....
點算好... 我會唔會死...




 
 
 
 
“鍾嘉晉！？你黎救我架！？”
 
“吓！？”
 
我望住佢嘅表情就好似門徒被耶穌打救
而我
就係佢嘅救世主
 
 
搞咩呀！？...
點會搞成咁...




我係黎殺佢架！



一定要對付隻狼狗先！
 

我拎起界刀對準佢...
臨場嘅緊張感已經令我就快暈低
好清晰咁聽到自己就黎爆炸嘅心跳聲...



“汪！！！”
狼狗突然撲前




 

（三）


“呃...！！”
膊頭已經被數十顆尖牙貫穿鎖緊
隨即血流如柱
 
 
視野逐漸變得迷糊...
恐懼感亦慢慢駕馭我嘅精神
甚至令我感覺唔到痛楚...
 
 
就係絕望一剎那
 
我諗起果個黑布蒙頭嘅男人
 
我好想做強姦犯
點可能...！
 
 
“嗄呀呀呀呀...！！”
我揸實刀柄向佢右眼一插！
 
 
“汪！！汪汪汪！！！”
狼狗淒厲慘叫後，終於肯鬆開口
呢個時候我捉緊機會，再補多一刀
 
其實手震到我已經唔知插左佢咩位置
 
 
“汪......！！”
佢轉身飛奔走咗
 
 
而我隻左臂先開始感覺到痛楚
仲要開始已經麻痺...
 
 
 
“有冇事呀！？鍾嘉晉！你個嘴唇白哂呀！”
 
 
死仆街吖！
得個睇！無過黎幫手！！
 
佢走埋黎扶起我，
我已經開始頭暈
 
但我並無忘記今次黎嘅目的...

望住佢頸後，我輕輕轉動手柄...